Popular Bible Verses from NA SAME 103

Share

Mo vakavinavinaka vei Jiova, na yaloqu, Ia mo kakua ni guilecava na nona ka ni loloma kecega

O koya sa bokoca na nomu i valavala ca kecega, O koya sa vakabulai iko mai na kemu mate kecega; O koya sa vakabulai iko mai na rusa; O koya sa vakaisalataki iko e na ka ni loloma Kei nai valavala vakayalololoma sara; O koya sa vakamamautaka na gusumu e na ka vinaka; Sa vakavoutaki kina na nomu cauravou me vaka na nona na ikeli.

Mo vakavinavinaka vei Jiova, na yaloqu; Io na ka kecega sa tu e lomaqu me vakavinavinaka ki na yacana tabu.

Me vaka sa lomana na luvena e dua na tamata, Sa lomani ira vakakina ko Jiova era sa rerevaki koya.

Me vaka na kena yawa na vanua e cadra kina na siga ki na vanua sa dromu kina na siga, Sa vakayawataka vakakina vei keda ko koya na nodai valavala ca.

Sa yalololoma ko Jiova ka daulomasoli, Sa daubera ni cudru, ka daulevu na nona yalololoma.

Sa sega ni lewa vei keda me vaka na nodai valavala ca; Ka sega talega ni cudruvi keda me vaka na noda caka ca. Me vaka na kena cecere ki vuravura ko lomalagi, Sa vakakina na kena levu ni nona yalololoma vei ira era sa rerevaki koya.

Sa vakataudeitaka ko Jiova na nonai tikotiko vakaturaga mai lomalagi; Ka sa lewa na ka kecega na nona matanitu.