Popular Bible Verses from NA DAUVEILEWAI 6

Share

A sa rairai vua ko koya na Agilose i Jiova, ka kaya vua, Sa tiko vata kei iko ko Jiova, ko iko na tamata i valu qaqa.

A sa gole vua ko Jiova, ka kaya, Mo lako e na nomu kaukauwa oqo, ia ko na vakabulai ira na Isireli mai na ligadra na kai Mitiani: au sa sega li ni talai iko?

A sa kaya vua ko Jiova, Au na tiko vakaidina kei iko, ia ko na mokuti ira na kai Mitiani me vaka era le dua bauga na tamata.

A sa kaya vua ko Kitioni, Isa lei, noqu turaga, kevaka sa tiko vata kei keimami ko Jiova, a cava sa yacovi keimami kina na ka kecega oqo? ka sa evei beka na nona cakacaka vakurabui kecega era a tukuna vei keimami ko ira na neimami qase, ni ra kaya, Sa sega li ni kauti keda cake mai Ijipita ko Jiova? ia ka sa qai biuti keimami ko Jiova, ka soli keimami yani ki na ligadra na kai Mitiani.

A sa kaya vua ko koya, Isa lei, kemuni na Turaga, au na vakabulai ira vakaevei na Isireli? ni raica, sa dravudravua na noqu lewe udolu e na kedra maliwa na Manasa, ia koi au, au sa lailai sara e na mataqali i tamaqu.

A sa lako mai ko koya na Agilose i Jiova, ka tiko sobu e ruku ni oki mai Ofira, a nei Joasi na luve i Epieseri: a sa samu sila tiko ko Kitioni na luvena mai na tikina sa daucaka kina na waini, me vunia maivei ira na kai Mitiani.

Sa qai cakava maikea e dua nai cabocabo-ni-soro vei Jiova ko Kitioni, a sa vakatoka ko Jiova-salomi: ka sa tu ga mai Ofira, ka nodra na luve i Epieseri, ka yacova na siga edaidai.

A sa kaya vua ko koya, Kevaka au sa kune loloma e matamuni, mo ni cakava mada e dua nai vakadinadina ni sai kemuni ga ka vosa vei au

A sa kaya vua ko Jiova, Mo vakacegu ga; kakua ni rere: ko na sega ni mate.

A ra sa kitaka na ka ca e na mata i Jiova ko ira na Isireli; a sa soli ira ko Jiova ki na ligadra na kai Mitiani ka yabaki vitu.