Popular Bible Verses from JEMESA 4

Share

O koya mo dou qai vakamalumalumutaki kemudou vua na Kalou. Vorata na tevoro, ena dro tani kina vei kemudou ko koya.

Toro voleka yani vua na Kalou, ka na toro voleka mai vei kemudou ko koya. Vakasavasavataka na ligamudou, oi kemudou na lomalomarua.

Dou vakamalumalumutaki kemudou e na mata ni Turaga, ka na laveti kemudou cake ko koya.

Ia sa solia vakalevu na loloma ko koya. O koya sa kaya kina ko koya, O ira sa viavialevu sa vorati ira na Kalou, ia sa solia na loloma vei ira era sa yalomalumalumu.

O koya sa ca kina vua sa kila me caka vinaka, ka sega ni kitaka.

Dou sa kerekere ga, ka sega ni rawata, ni dou sa kerekere vakaca, mo dou vakayalia e na nomudou gagadre ca.

Oi kemudou na dauyalewa kei na dautagane, dou sa sega beka ni kila, ni sa veicati kei na Kalou na veivinakati kei vuravura? ia sa veimecaki kei na Kalou ko koya sa via veiwekani kei vuravura.

ia dou sa sega ni kila na ka sa na yaco e na mataka: A cava na nomudou bula? Na kabukabu walega koi kemudou, sa rairai ka sa vakadede vakalailai ga, a sa qai seavu yani.