Popular Bible Verses from AISEA 9

Share

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Ko ira na tamata ka lako e na butobuto, era sa raica na rarama levu; sa cadra cake na rarama vei ira era sa tiko e na vanua ni yaloyalo ni mate.

Ena sega ni oti na kena tubu na nona lewa kei na sautu, e nai tikotiko vakaturaga i Tevita, kei na nona matanitu, me vakataudeitaka, ka vakaukauwataka e na lewa dodonu kei nai valavala dodonu mai na gauna oqo ka yacova na gauna kecega. A lomakatakata i Jiova ni lewe vuqa ena vakayacora na ka oqo.

Ia na nodra i yaya kecega era sa vakaiyaragi tu ki nai valu kei na kaila ni valu, kei nai sulu sa lomoci e na dra, ena visa ga, me kena buka ni bukawaqa.

Ia ena sega ni butobuto vua sa vakararawataki, me vaka sa beci eliu na vanua ko Sepuloni kei na vanua ko Nafitalai, ia ena vue na kena totoka e na gauna maimuri na yasayasa vakawaitui, na bati ni Joritani, ko Kalili ni veimatanitu.

Ko ni sa vakalewevuqataka na matanitu, ko ni sa vakaikuritaka na nodra marau; era sa marau e matamuni me vaka na marau ni sa cava na yabaki, ka vaka na nodra marau era sa vota nai toki ni valu.

Ia na nonai savenaki bibi, kei nai vua ni domona, kei nai titoko i koya ka vakasaurarataki koya, ko ni sa musuka me vaka e na siga i Mitiani.