Popular Bible Verses from AISEA 11

Share

Ka na tiko ga vua na Yalo i Jiova, na Yalo ni vuku kei na lewa dina, na Yalo ni vakavuvuli kei na kaukauwa, na Yalo ni daukila ka kei na rerevaki Jiova: Ena rekitaka sara ko koya na rerevaki Jiova: ena sega ni lewa ko koya me vaka na ka sa rairai walega vua, se vunauca me vaka na ka sa rogoca e daligana

Ia ena tubu mai e dua na Coke mai na dulumi i Jese, ka na tubu cake mai na wakana e dua na Tabana.

Ena lewai ira vakadodonu ga na dravudravua, ka lewa vakadodonu e na vukudra na yalomalumalumu e vuravura: ena yaviti vuravura e nai titoko ni gusuna, ia e nai cegu ni tebenigusuna ena vakamatei ira nai valavala ca.

Ena kenai vau ni tolona na yalododonu, kei na yalodina.

Era na sega ni ia na veivakacacani se na veivakamatei e na noqu ulu-ni-vanua tabu kecega: ni na roboti ko vuravura e na veikilai kei Jiova, me vaka sa ubia na wasa titobu na wai.

Ia ena tiko vata na wolifa kei na lami, ka na davo vata na lepate kei na luve ni me; ena tiko vata talega na luvedratou na pulumokau kei na laioni kei na manumanu uro; ia ena tuberi iratou e dua na gone lailai.

Ia e na siga ko ya ena dua na coke kei Jese, ena tu me nodra kuila na veimataqali; era na vakasaqarai koya ko ira na veimatanitu: ia na nonai tikotiko ena vakaiukuuku.