Popular Bible Verses from NAI VAKARUA 7

Share

Mo ni kila mada ni sa Kalou ko Jiova na nomuni Kalou, na Kalou dina, sa vakabauta tiko na veiyalayalati, kei na loloma, vei ira era sa lomani koya ka kitaka na nona vunau, ka yacova nai tabatamata e udolu

Ni kemuni sa matanitu tabu me nei Jiova na nomuni Kalou: sa digitaki kemuni ko Jiova na nomuni Kalou mo ni sa nona matanitu talei, vei ira kecega na veimatanitu e dela i vuravura.

sa ka ga ni sa lomani kemuni ko Jiova, ka ni sa vakabauta tiko na vosa sa bubului kina ko koya vei ira na nomuni qase, sa kauti kemuni tani kina ko Jiova e na liga kaukauwa, ka sa vakabulai kemuni mai na vale ni veivakabobulataki, ka mai na liga i Fero na tui Ijipita.

Sa sega ni lomani kemuni ko Jiova, se digitaki kemuni, e na vuku ni kemuni sa lewe levu, ka lewe lailai na veimatanitu tani; kemuni a lewe lailai ga vei ira na matanitu kece

Kemuni na kalougata vakalevu, ka vakalailai na matanitu kecega: sa na sega na tagane se yalewa sa sega ni vakaluveni vei kemuni, se vei ira na nomuni manumanu e yavai va