Popular Bible Verses from NAI VAKARUA 6

Share

Ia mo ni lomani Jiova na nomuni Kalou e na lomamuni taucoko, kei na yalomuni taucoko, kei na nomuni kaukauwa taucoko.

ia mo ni gumatua ni vakavulica vei ira na luvemuni, ka dauvosataka ni kemuni sa tiko e na nomuni vale, ni kemuni sa lako voli talega e na sala, ka ni kemuni sa koto sobu, ni kemuni sa duri cake talega.

Ia na vosa oqo, ka'u sa vakarota vei kemuni e na siga oqo, me tiko ga e na lomamuni

Mo ni rogoca, na Isireli: O Jiova na noda Kalou ko Jiova sa dua bau

Ia mo ni vauca mei vakatakilakila e na ligamuni, ia me ra vaka nai ukuuku e na maliwa ni matamuni.

Mo ni vola talega e na duru ni sogo ni nomuni vale, kei nai sogo ni nomuni matamata-ni-koro.

Mo ni rerevaki Jiova ga na nomuni Kalou, ka qaravi koya, ka cavuta na yacana ga ni kemuni sa bubului.

Ia ni sa vakayacori kemuni ko Jiova na nomuni Kalou ki na vanua sa bubului kina ko koya vei iratou na nomuni qase, vei Eparaama, vei Aisake, kei Jekope, me solia vei kemuni, io ki na veikoro lelevu ka vinaka, ko ni a sega ni tara, kei na veivale sa oso e na ka vinaka kecega, ko a sega ni vakasinaita, kei na veikeli-wai ko a sega ni kelia, na veivaivaini kei na veiolive, ko a sega ni tea; ka ni kemuni sa kana ka mamau; mo ni qarauni kemuni, de ko ni guilecavi Jiova, ko koya ka kauti kemuni mai na vanua ko Ijipita, mai na vale ni veivakabobulataki.

Sa vakaoqo na vunau, nai lesilesi, kei na lewa, sa vakarota ko Jiova na nomuni Kalou me vakavulica vei kemuni, mo ni cakava e na vanua ko ni sa lako yani kina mo ni taukena: mo ni rerevaki Jiova kina na nomuni Kalou, mo ni vakabauta na nonai vakaro kecega kei na nona vunau ka'u sa vakarota vei kemuni, koi kemuni, kei na luvemuni, kei na luvena na luvemuni, e na veisiga kecega ko ni sa bula kina; ia me dede kina nomuni bula.

Ia mo ni cakava na ka e dodonu ka vinaka e na mata i Jiova: me yacovi kemuni kina na ka vinaka, ia mo ni yaco kina mo ni taukena na vanua vinaka sa bubului kina ko Jiova vei ira na nomuni qase

(ni sa Kalou vuvu ko Jiova na nomuni Kalou e na kemuni maliwa) de waqa vei kemuni na cudru i Jiova na nomuni Kalou, ka vakawabokotaki kemuni mai na dela i vuravura.

Mo ni kakua ni muria na veikalou tani, na nodra veikalou na veimatanitu sa tiko vakavolivoliti kemuni

Mo ni kakua ni vakatovolei Jiova vakaca na nomuni Kalou, me vaka ko ni a vakatovolea vakaca mai Masa.