Popular Bible Verses from 1 CESALONAIKA 5

Share

Dou reki tikoga. Dou masu tikoga ka kua ni mudu. Dou ia na vakavinavinaka e na vuku ni ka kecega: ni sa loma ni Kalou oqo vei kemudou e na vuku i Karisito Jisu.

Ia me vakasavasavataki kemudou sara na Kalou ni veivakacegui; ka me sa maroroi taucoko, me kakua sara ni cala, na yalomudou kei na lomamudou kei na yagomudou, ka yacova na siga ena lako tale mai kina na noda Turaga ko Jisu Karisito. Sa dina ko koya sa kacivi kemudou, ena kitaka talega ko koya.

Raica me kakua e dua sa veisausaumitaka na ca vua e dua; ka mo dou dui muria tikoga na ka e vinaka vei kemudou yadua, vei ira talega na tamata kecega.

O koya oqo mo dou qai ia na veivakacegui vakai kemudou, ka veivakatataki cake vakai kemudou, me vaka dou sa kitaka tiko.

Ia keitou sa vakarota vei kemudou, na veiwekani: mo dou vunauci ira era sa talaidredre, vakacegui ira era sa yalolailai, vukei ira era sa malumalumu, dauvosoti ira kecega na tamata.

Ni sa sega ni lesi keda na Kalou me da rusa me da rawata ga na bula e na vuku ni noda Turaga ko Jisu Karisito

Oi kemudou kecega na gone ni rarama, kei na gone ni siga: eda sa sega ni gone ni bogi, se gone ni butobuto.