Popular Bible Verses from 1 SAMUELA 2

Share

Sa sega e yalosavasava me vakataki Jiova; Ni sai kemuni ga, ka sega e dua tani; A sa sega tale na uluvatu me vakataki koya na noda Kalou.

Sa vueta cake ko koya na dravudravua mai na kuvu ni qele; Sa vueta cake na dravudravua ko koya mai nai binibini de ni manumanu, Ka me vakatikora vata kei ira na turaga, Ka me ra taukena talega nai tikotiko vakaturaga sa vakaiukuuku: Ni sa nei Jiova na duru kece kei vuravura, A sa vakadeitaka kina na vuravura.

Ena maroroya ko koya na yavadra na nona tamata yalosavasava, Ia era na vagalui e na butobuto ko ira nai valavala ca; Ni na sega ni gumatua na tamata e na nona kaukauwa ga.

Sa ia na veivakadravudravuataki ko Jiova, ka ia na veivakavutuniyautaki: Sa ia na veivakamalumalumutaki, ka sa vakatubura cake talega.

Sa ia na veivakamatei ko Jiova, a sa ia na veivakabulai: Sa lewa ko koya na lako sobu ki nai bulubulu, ka lewa na vakaturi cake mai.