Popular Bible Verses from 1 KORINICA 15

Share

O koya ga oqo, oi kemudou na wekaqu lomani, mo dou qai tu dei sara, mo dou kakua ni yavala, mo dou uasivi cake e na cakacaka ni Turaga e na gauna kecega, ni dou sa kila sa sega ni ka walega na nomudou cakacaka e na vuku ni Turaga.

Ia me da vakavinavinaka vua na Kalou, o koya sa solia vei keda me da gumatua sara e na vuku ni noda Turaga ko Jisu Karisito.

Dou kakua ni vakaisini kemudou vakataki kemudou: sa vakacala nai valavala vinaka na dautiko vata kei ira era sa ca.

Ia na loloma ga ni Kalou kau sa yaco kina ki na noqu tiko edaidai: ia na nona lomani au sa sega ni tawa yaga; ia kau sa uasivi cake vei ira kecega e na cakacaka; ia ka sa sega ni koi au walega, na loloma ga ni Kalou sa tiko vei au.

Ko iko mate, sa evei na nomu bati gaga? Ko iko bulubulu, sa evei na nomu gumatua? Sa kena bati gaga ni mate nai valavala ca: ka sa kena kaukauwa ni valavala ca na vunau.

Raica, au sa vakatakila vei kemudou e dua na ka vuni: Eda na sega ni moce kece, ia eda na vakamataliataki kecega, ena vakasauri sara, ena vaka na sauriva ni matada, ni sa uvu na davui sa muri sara: ena uvuci na davui, ena qai vakaturi cake tale ko ira na mate me sega ni vuca tale, ia koi keda eda na vakamataliataki talega.

Ni sa qai vu ni mate na tamata, sa qai vu ni tu cake tale mai na mate na tamata talega. Ni sa qai mate kecega e na vuku i Atama, ena vakabulai kece talega e na vuku i Karisito.

Sa na vakaisulu na yago vuca oqo me kakua tale ni vuca rawa, ka sa na vakaisulu na yago sa mate oqo me kakua tale ni mate rawa.

Sa na lewa tikoga ko koya me vakamalumalumutaki sobu mada na meca kecega e ruku ni yavana. Na meca ena vakaoti emuri sara ko mate.