Popular Bible Verses from ሮሚያ 6

Share

ኣዪሲ ጎፔ፥ ናጋራ ጋቲ ሃይቁዋ። ሺን ፆሳይ ኑ ጎዳ ኪሪስቶሳ ዬሱሳ ባጋና ኢሚያ ኢሞታይ ሜና ዴዑዋ።

ኣዪሲ ጎፔ፥ ናጋራይ ሂንቴንታ ሞዳናው ዳንዳዬና፤ ሂንቴ ፆሳ ኣ ኬካቴ ጋርሳና ዴዒታፔ ኣቲን፥ ሂጊያፔ ጋርሳና ዴዒኪታ።

ሄዋ ዲራው፥ ኪሪስቶሲ ባሬ ኣዉዋ ቦንቾ ዎልቃን ሃይቁዋፔ ዴንዶዋዳን፥ ኑኒካ ኦራ ዴዑዋ ዴዓናው፥ ኣ ሃይቁዋ ኣናና ሻካናው ፂንቃታኒ ኣናና ኢቲፔ ሞጌቴዶ።

ቃሲ ሂንቴ ኣሳቴፔ ኢቲ ሳኔ ኢታ ኦሱዋ ኦናው ናጋራው ኢሞፒቴ፤ ሺን ሃይቁዋፔ ዴንዴዳ ኣሳዳን ሂንቴንታ ፆሳው ኢሚቴ፤ ቃሲ ሂንቴ ኩሜን ኣሳቴካ ፂሎ ኦሱዋ ኦናው ፆሳው ኢሚቴ፤

ኑኒ ሃዋፔ ሲንው ናጋራው ኣይሌ ጊዴና ማላ፥ ቃሲ ኑ ናጋራንቻ ኣሳቴ ዎልቃይ ያና ማላ፥ ኑ ኤጫ ኣሳቴ ኪሪስቶሳና ማስቃሊያ ቦላ ሚሲማሪያን ሼቲ ካቄቴዳዋ ኤሬቶ።

ሃዋዳን ቃሲ ሂንቴ ናጋራ ኦናዳን፥ ሂንቴንታ ሃይቄዳዋዳን ቆፒቴ፤ ሺን ጎዳ ኪሪስቶሳ ዬሱሳ ባጋና ፆሳው ሂንቴ ፓፃ ዴዒያዋዳን፥ ሂንቴንታ ቆፒቴ።

ያቲና፥ ኑኒ ዋጋኔ? ፆሳ ኣ ኬካቴይ ዳራናዳን፥ ናጋራን ሚኒዴ ዴዓኔ? ጊዴና፤ ኑኒ ናጋራ ኦና ማላ ሃይቂዲጌዶ። ያቲና፥ ኑኒ ሃዋፔ ሲንው ዎቲ ኣ ጊዶን ዴዓኔ?

ሂንቴ ሂንቴንታ ኢቲ ኡራው ኣዛዜታናው፥ ኣይሊያዳን ኦዴ ኢሚያ ዎዴ፥ ሄ ሂንቴንታ ኣዛዚያዎ ኣይሌቱዋ ጊዲያዋ ኤሪታ፤ ዎይ ሂንቴ ሂንቴንቶ ሃይቁዋ ኣሂያ ናጋራው ኤኖ ጊታ፤ ዎይ ሂንቴ ሂንቴንታ ፂሎ ኦያ ኣዛዞ ኤኖ ጊታ።

ሺን ፆሳው ጋላታይ ጊዶ፤ ኣዪሲ ጎፔ፥ ናጋራው ካሴ ሂንቴ ኣይሌ፤ ሺን ጉዬፔ ሂንቴ ኣኬዳ ቲሚርቲያ ጊዶን ዴዒያ ቱማቴው ሂንቴ ኩሜን ዎዛናፔ ኣዛዜቴዲታ። ሂንቴንቱ ናጋራ ኣይሌቴፔ ኬሲዴ፥ ፂሎቴው ኣይሌ ጊዴዲታ።