Popular Bible Verses from ሮሚያ 3

Share

ኣዪሲ ጎፔ፥ ኣሳይ ኡባይ ናጋራ ኦዳ፤ ፆሳ ቦንቹካ ኡንቱንቶ ጉፄዳ። ሺን ኡንቱንቱ ፆሳይ ኢሚያ ኣ ኣ ኬካቴን፥ ባሬንታ ዎዚያ ኪሪስቶሲ ዬሱሳ ባጋና ጮ ፂሌዲኖ።

ፆሳይ ኣሳ ዬሱሲ ኪሪስቶሳ ኣማኒያዋን ፂሊሴ፤ ፆሳይ ሄዋ ኣ ኣማኒያ ኡባው ኦ፤ ኣይ ሻኮቴይኔ ባዋ።

ዬሱሳ ሱን ኣሳይ ኣ ኣማኒዴ፥ ባሬ ናጋራው ማሮቴ ዴማናው፥ ፆሳይ ኣ ኢሜዳ፤ ፆሳይ ሄዋ ባሬ ፂሎቴ ቤሳናው ኦዳ፤ ኢ ቤኒ ዎዲያን ኣሳ ናጋራ ዳንዳዪዴ፥ ካ ባሺ ኣጌዳ፤ ሺን ሃ ዎዲያን ባሬ ፂሎቴ ቤሳናው ኣሳ ናጋራ ኣጌና፤ ፆሳይ ሄዋ ኦያዋን ኢ ባሬ ሁጴው ፂሎ ጊዲያዋኔ ዬሱሳ ኣማኒያ ኡባ ፂሊሲያዋ ቤሴ።

ፆሳ ሲንን ኦኒኔ ሂጊ ኣዛዚያዋ ኦያዋን ፂሌና፤ ሂጊ ኢቲ ኣሳይ ናጋራ ኦዳዋ ኤራናዳን ኡዴ።

ፆሳ ማፃፋይ ሃዋዳን ያጌ፤ «ፂሎ ኣሳይ ኢቱኔ ባዋ። ኣኬኪያ ኣሳይካ ባዋ፤ ዎይ ፆሳ ኮዪያዌካ ባዋ። ኣሳይ ኡባይ ኦጊያፔ ካሬ ኬሴዲኖ፤ ኡባይ ሙሌካ ማዴናዋ ጊዴዳ። ሎዖባ ኦያ ኦኒኔ ባዋ፤ ሃራይ ኣቶ ኢቱኔ ባዋ።

ኣዪሲ ጎፔ፥ ኣሳይ ኣማኑዋን ፂላናፔ ኣቲን፥ ሂጊ ኣዛዚያዋ ኦያዋና ጊዴና ያጊዴ ቆፔቶ።

ሄዋ ጊዴና፤ ኣሳይ ኡባይ ዎርዳንቻ ጊዶፔካ፥ ፆሳይ ጊያዌ ቱማ ጊዳናው ቤሴ። ፆሳ ማፃፋይ፥ «ኔኒ ሃሳዪያ ዎዴ፥ ኔኒ ፂሎ ጊዲያዋ ኤሪሳናው ኮሼ፤ ኔኒ ሞቴቲያ ዎዴ፥ ሻቲማናው ቤሴ» ያጌ።