Popular Bible Verses from أمْثال 28

Share

الْيِلَبِّدْ خَطَايَهْ مَا يَنْجَحْ. وَ لَاكِنْ الْيُتُوبْ مِنْ خَطَايَهْ وَ يِخَلِّيهْ، اللّٰهْ يَرْحَمَهْ.

الْيِتْوَكَّلْ عَلَيْ نَفْسَهْ، هُو دَا مَطْمُوسْ وَ لَاكِنْ الْيَمْشِي بِحِكْمَةْ، هُو دَا يَنْجَى.

كَنْ مَا يَطُرْدُوهْ كُلَ، الْعَاصِي يَجْرِي وَ يِنْبَلِصْ. وَ لَاكِنْ الصَّالِحْ فَحَلْ مِثِلْ الدُّودْ.

مَبْرُوكْ لِلْإِنْسَانْ الدَّايْماً يَخَافْ مِنْ اللّٰهْ وَ لَاكِنْ الْيِقَوِّي رَاسَهْ يَقَعْ فِي الشَّرّ.

الْيَرْحَمْ الْمَسَاكِينْ، شَيّءْ مَا يِقَصِّرْ لَيَّهْ وَ لَاكِنْ الْأَبَى مَا يِشِيفْ تَعَبْ الْآخَرِينْ، يَلْقَى لَعَنَةْ كَتِيرَةْ.

الْيُلُومْ أَخُوهْ، فِي الأَخِيرْ يَلْقَى رِضَايَهْ وَ دَا أَخَيْر مِنْ يُغُشَّهْ بِكَلَامْ حَلُو.