Popular Bible Verses from يَعْقُوب 3

Share

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

وَ نَتِيجَةْ الْعَدَالَةْ مَزْرُوعَةْ فِي السَّلَامْ لِلنَّاسْ الْيِسَوُّوا عَمَلْ السَّلَامْ.

فِي أَيِّ بَكَانْ الْقَاعِدِينْ فَوْقَهْ الْحُسُدْ وَ الْإِسْتِكْبَارْ، الْبَرْجَالْ وَ كُلَّ شَيّءْ فَسِلْ كُلَ قَاعِدِينْ فَوْقَهْ.

بَيَّهْ هُو، نَشْكُرُوا اللّٰهْ أَبُونَا وَ بَيَّهْ هُو بَتَّانْ، نَلْعَنَوْا النَّاسْ الْاللّٰهْ خَلَقَاهُمْ فِي صُورْتَهْ. بِخَشُمْ الْوَاحِدْ بَسْ نَشْكُرُوا وَ نَلْعَنَوْا بَيَّهْ. يَا أَخْوَانِي، خَلِّي مَا يَبْقَى مِثِلْ دَا.

وَ اللِّسَانْ، هُو كُلَ مِثِلْ النَّارْ أَشَانْ بَيَّهْ نُقُولُوا كَلَامْ فَسِلْ وَ هُو يِنَجِّسْ كُلَّ جِلِدْنَا. وَ نَارْ اللِّسَانْ دِي تَاكُلْ حَيَاتْنَا مِنْ أَوَّلْهَا لَحَدِّي أَخِيرْهَا. وَ النَّارْ دِي جَايَةْ مِنْ نَارْ جَهَنَّمْ ذَاتَهْ.

وَ لَاكِنْ مَا فِي نَادُمْ يَقْدَرْ يِضَلِّلْ لِسَانَهْ. اللِّسَانْ هُو شَيّءْ فَسِلْ الْمَا يَقْعُدْ سَاكِتْ وَ مَلَانْ بِالسَّمّ الْيَكْتُلْ.

يَا أَخْوَانِي، خَلِّي كَتِيرِينْ مِنْكُو مَا يَبْقَوْا مُعَلِّمِينْ أَشَانْ تَعَرْفُوا كَدَرْ اللّٰهْ يِحَاسِبْنَا أَنِحْنَ الْمُعَلِّمِينْ شَدِيدْ مِنْ النَّاسْ الْآخَرِينْ.