Popular Bible Verses from أفَسُس 3

Share

وَ الْحَمْدُ للّٰهْ! بِقُدُرْتَهْ الْقَاعِدَةْ فَوْقنَا، اللّٰهْ يَقْدَرْ يِسَوِّي زِيَادَةْ مِنْ كُلَّ شَيّءْ النَّسْأَلَوْه مِنَّهْ وَ زِيَادَةْ بِلْحَيْن مِنْ أَيِّ شَيّءْ الْقَاعِدْ فِي فِكِرْنَا. وَ خَلِّي يِمَجُّدُوا اللّٰهْ دَايْماً فِي أُسُطْ أُمَّتَه وَ بِالْمَسِيحْ عِيسَى دَايْماً وَ إِلَى الْأَبَدْ. آمِينْ.

وَ نَسْأَلَهْ أَشَانْ يَنْطِيكُو بَرَكَةْ مِنْ الْغُنَى الْعِنْدَهْ فِي الْمَجْد وَ يَنْطِيكُو قُدْرَةْ وَ يِثَبِّتْ قُلُوبْكُو بِالرُّوحْ الْقُدُّوسْ. وَ خَلِّي الْمَسِيحْ يَسْكُنْ فِي قُلُوبْكُو بِإِيمَانْكُو. وَ خَلِّي الْمَحَبَّةْ تَبْقَى لَيْكُو مِثِلْ قَعَرْ وَ أَسَاسْ لَحَدِّي تِسَوُّوا كُلَّ شَيّءْ بِالْمَحَبَّةْ. وَ مِثِلْ دَا، إِنْتُو مَعَ كُلَّ الصَّالِحِينْ تَقْدَرَوْا تَفْهَمَوْا كَدَرْ مَحَبَّةْ الْمَسِيحْ وَسِيعَةْ بِلْحَيْن وَ كَبِيرَةْ بِلْحَيْن وَ مَا عِنْدَهَا حَدّ. وَ بِمِثِلْ دَا، تَعَرْفُوا مَحَبِّتَهْ الْفَايْتَةْ كُلَّ الْعِرْفَةْ. وَ بَرَكَةْ اللّٰهْ الْكَامِلَةْ تَمْلَا قُلُوبْكُو مَرَّةْ وَاحِدْ.

وَ بِسَبَبْ عَلَاقِتْنَا مَعَ الْمَسِيحْ وَ إِيمَانَّا بَيَّهْ، عِنْدِنَا شَجَاعَةْ أَشَانْ نَعَبُدُوا اللّٰهْ بَلَا شَكَكْ.