Popular Bible Verses from تَثْنِية 10

Share

وَ مُوسَى قَالْ بَتَّانْ: هَسَّعْ، يَا بَنِي إِسْرَائِيلْ، اللّٰهْ إِلٰـهْكُو يِدَوْر مِنْكُو شُنُو؟ هُو يِدَوْر بَسْ إِنْتُو تَخَافَوْا مِنَّهْ هُو اللّٰهْ إِلٰـهْكُو وَ تَمْشُوا فِي كُلَّ دُرُوبَهْ وَ تِحِبُّوهْ وَ تَعَبُدُوهْ بِكُلَّ قُلُوبْكُو وَ كُلَّ فِكِرْكُو. وَ طَبُّقُوا وَصَايَا اللّٰهْ وَ الْقَوَانِينْ النَّنْطِيهُمْ لَيْكُو الْيَوْم. وَ دَا، لِخَيْركُو.

أَشَانْ اللّٰهْ إِلٰـهْكُو، هُو إِلٰـهْ الْإِلٰـهَاتْ وَ رَبّ الْأَرْبَابْ. وَ هُو الْإِلٰـهْ الْعَظِيمْ وَ الْقَادِرْ وَ الْمُخِيفْ. وَ هُو عَادِلْ وَ مَا يَرْضَى بِالرَّشْوَةْ.

طَهُّرُوا قُلُوبْكُو وَ مَا تِقَوُّوا رُوسَيْكُو وَ تَعَصَوْا اللّٰهْ بَتَّانْ.

وَ هُو يَحْمِي حُقُوقْ الْأَتِيمْ وَ الْأَرْمَلَةْ وَ يِحِبّ الْأَجْنَبِي وَ يَنْطِيهْ أَكِلْ وَ لُبَاسْ.

وَ لَيَّهْ هُو بَسْ أَشْكُرُوهْ، هُو إِلٰـهْكُو السَّوَّى فِي أُسُطْكُو الْعَجَايِبْ الْكُبَارْ الْبِخَوُّفُوا وَ إِنْتُو شِفْتُوهُمْ بِعُيُونْكُو.

وَ أَخَافَوْا مِنْ اللّٰهْ إِلٰـهْكُو وَ أَعَبُدُوهْ وَ أَتْمَسَّكَوْا بَيَّهْ وَ أَحَلْفُوا بِأُسْمَهْ هُو بَسْ.

أَيْوَى، اللّٰهْ إِلٰـهْكُو سِيدْ السَّمَاوَاتْ وَ الْأَرْض وَ كُلَّ شَيّءْ الْفِيهُمْ.

وَ إِنْتُو كُلَ حِبُّوا الْأَجْنَبِي أَشَانْ إِنْتُو كُلَ بِقِيتُوا أَجَانِبْ فِي بَلَدْ مَصِرْ.