Popular Bible Verses from تَثْنِية 1

Share

اللّٰهْ إِلٰـهْكُو يَمْشِي قِدَّامْكُو وَ هُو ذَاتَهْ يِحَارِبْ لَيْكُو مِثِلْ هُو سَوَّاهْ أَوَّلْ فِي مَصِرْ وَ إِنْتُو شِفْتُوهْ بِعُيُونْكُو. وَ بَتَّانْ فِي الصَّحَرَاء هِنَاكْ، شِفْتُوا اللّٰهْ إِلٰـهْكُو شَالْكُو مِثِلْ رَاجِلْ يِشِيلْ وِلَيْدَهْ، فِي كُلَّ طُولْ الدَّرِبْ الْإِنْتُو رُغْتُوا فَوْقَهْ لَحَدِّي جِيتُوا فِي الْبَكَانْ دَا.»

وَ خَلِّي اللّٰهْ رَبّ جُدُودْكُو يِزِيدْ عَدَدْكُو أَلِفْ مَرَّةْ وَ يِبَارِكُّو مِثِلْ هُو قَالَهْ.

وَكِتْ أَنِحْنَ قَاعِدِينْ فِي جَبَلْ حُورِيبْ، اللّٰهْ إِلٰـهْنَا كَلَّمْ لَيْنَا وَ قَالْ: «كَفَاكُو مَا تَقْعُدُوا فِي الْجَبَلْ دَا.

دَاهُو أَنَا أَنْطَيْتكُو كُلَّ الْبَلَدْ دِي. أَمْشُوا وَ شِيلُوهَا! دِي الْبَلَدْ الْأَنَا اللّٰهْ حَلَفْت نَنْطِيهَا لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ وَ لِذُرِّيِّتْهُمْ الْبَعَدْهُمْ.»

مَا تِمَيُّلُوا فِي الشَّرِيعَةْ، أَسْمَعَوْا الصَّغَيَّرْ وَ الْكَبِيرْ. مَا تَخَافَوْا مِنْ نَادُمْ أَشَانْ الشَّرِيعَةْ هِنْت الرَّبّ. وَ كَنْ الشَّرِيعَةْ بِقَتْ لَيْكُو قَوِيَّةْ كُلَ، جِيبُوهَا لَيِّ أَنَا نِشِيفْهَا.»