Popular Bible Verses from Yachuuʼ 10

Share

Wa l-harraay wagafat wa l-gamar kula wagaf lahaddi al-umma chaalat taarha fi udwaanha. Wa daahu al-maktuub fi Kitaab al-Saalih : «Al-harraay wagafat fi bakaanha fi l-sama, ma wagaʼat muddit yoom kaamil.»

Wa fi l-yoom al-foogah Allah sallam al-Amuuriyiin le Bani Israaʼiil, Yachuuʼ saʼal Allah giddaam Bani Israaʼiil wa gaal : «Ya l-harraay, agiifi saabte fi Gibʼuun ! Wa inta al-gamar, agiif saabit fi waadi Ayyaluun !»

Wa l-yoom da, yoom mislah ke ma fiih wa la gablah wa la baʼadah. Wa fi l-yoom da, al-insaan saʼal wa Allah khibil suʼaalah achaan Allah gaaʼid yihaarib udwaan Bani Israaʼiil.

Wa Allah gaal le Yachuuʼ : «Ma takhaaf minhum achaan ana sallamtuhum leek fi iideenak wa waahid minhum ma yagdar yagiif giddaamak.»

Wa Yachuuʼ gaal : «Ma takhaafo wa la tinbahtu wa laakin abgo chudaad wa fahaliin. Achaan Allah yisawwi nafs al-cheyy fi kulla udwaanku al-tihaarubuuhum.»