Popular Bible Verses from Tasniya 28

Share

Wa kan tasmaʼo adiil kalaam Allah Ilaahku wa tahfadooh wa titabbugu wasiiyaatah al-naamurku beehum al-yoom, khalaas Allah Ilaahku yisawwiiku aaliyiin min kulla umam al-ard.

Wa daahu kulla l-barakaat al-talgoohum kan tasmaʼo kalaam Allah Ilaahku.

Wa kan simiʼtu wasaaya Allah Ilaahku al-naamurku beehum al-yoom wa hafadtuuhum wa tabbagtuuhum, Allah yukhuttuku fi l-raas wa ma fi l-danab wa daayman tukuunu foog wa abadan ma tihit.

Wa Allah yaftah leeku khazzaan al-sama. Wa da l-khazzaan al-adiil al-yusubb almi fi baladku fi waktah wa yibaarik khidmit iideeku. Wa intu tidayyunu umam katiiriin wa laakin intu ma tiddayyano minhum.

Wa udwaanku al-yugummu didduku Allah yatrudhum wa humman yajru giddaamku. Wa humman yaju didduku be derib waahid wa yajru giddaamku be sabʼa duruub.

Wa Allah yaamur al-baraka tukuun fi dabangaatku wa fi kulla cheyy al-tisawwuuh. Wa Allah Ilaahku yibaarikku fi l-balad al-yantiiha leeku.

Wa mubaarakiin wakit tamchu wa mubaarakiin wakit taju.

Intu mubaarakiin fi l-mudun wa mubaarakiin fi l-kadaade.

Wa mubaarakiin zurriiyitku wa intaaj arduku wa maalku wa waaluudit bagarku wa khanamku.

Kan intu tahfado wasaaya Allah Ilaahku wa tichiilu derbah, Allah yisawwiiku chaʼabah al-khaassiin misil hu halaf leeku beyah.

Wa mubaarakiin sawaasilku wa ajjaanaatku.

Wa Allah yisawwi leeku al-kheer wa yibaarik zurriiyitku wa maalku wa intaaj arduku fi l-balad al-fi chaanha Allah halaf le juduudku wa gaal yantiiha leeku.

Wa kulla chuʼuub al-ard yaʼarfu kadar usum Allah gaaʼid fiiku wa yakhaafo minku.

Wa abadan ma tibaaru wa la zeene wa la isra min al-wasaaya al-naamurku beehum al-yoom wa ma tamchu wara ilaahaat aakhariin wa taʼabuduuhum.

Wa laakin kan ma simiʼtu kalaam Allah Ilaahku wa kan ma hafadtu wa la tabbagtu wasiiyaatah wa churuutah al-nantiihum leeku al-yoom, daahu kulla nafar hana l-laʼana al-taji foogku wa talhagku.