Popular Bible Verses from Tasniya 1

Share

Allah Ilaahku yamchi giddaamku wa hu zaatah yihaarib leeku misil hu sawwaah awwal fi Masir wa intu chiftuuh be uyuunku. Wa battaan fi l-sahara hinaak, chiftu Allah Ilaahku chaalku misil raajil yichiil wileedah, fi kulla tuul al-derib al-intu rukhtu foogah lahaddi jiitu fi l-bakaan da.»

Wa khalli Allah Rabb juduudku yiziid adadku alif marra wa yibaarikku misil hu gaalah.

Wakit aniina gaaʼidiin fi jabal Huuriib, Allah Ilaahna kallam leena wa gaal : «Kafaaku ma tagoodu fi l-jabal da.

Daahu ana anteetku kulla l-balad di. Amchu wa chiiluuha ! Di l-balad al-ana Allah halaft nantiiha le juduudku Ibraahiim wa Ishaakh wa Yaakhuub wa le zurriiyithum al-baʼadhum.»

Ma timayyulu fi l-chariiʼa, asmaʼo al-sakhayyar wa l-kabiir. Ma takhaafo min naadum achaan al-chariiʼa hint al-Rabb. Wa kan al-chariiʼa bigat leeku gawiiye kula, jiibuuha leyi ana nichiifha.»