Popular Bible Verses from 1 Kuruntus 13

Share

Al-naadum al-indah mahabba sabuur wa zeen. Al-indah mahabba ma hasuud. Al-indah mahabba ma fachchaar wa ma mustakbir. Hu ma yisawwi cheyy hana eeb. Hu ma yifakkir fi nafsah bas. Wa ma yazʼal ajala. Hu ma yifakkir fi l-khata al-akhwaanah sawwooh.

Al-indah mahabba, hu yahmal ayyi cheyy. Hu yiʼaamin fi kulli haal wa achamah saabit fi kulli haal wa hu yasbur fi ayyi cheyy.

Hu abadan ma yafrah be l-zulum laakin yafrah daayman be l-hagg.

Wa khalaas al-talaata al-yagoodu daayman, humman al-iimaan wa l-acham wa l-mahabba. Wa l-akbar minhum hu al-mahabba.

Al-mahabba abadan ma tikammil. Al-tanabbu yikammil. Wa l-lukhkhaat al-yaju min al-Ruuh al-Khudduus yabgo ma fiihum. Wa l-ilim yikammil.

Kan nikallim be lukhkhaat al-naas wa be lukhkhaat al-malaaʼika wa ma indi al-mahabba, kalaami ma indah faayde. Be da kalaami bigi misil daggiin al-nahaas walla baki al-jaras.

Wa kan nitnabbaʼ be kalaam jaayi min Allah wa nafham kulla l-asraar wa kulli cheyy hana ilim wa kan indi iimaan gawi marra waahid lahaddi nihawwil al-jibaal min bakaanaathum kula wa kan ma indi al-mahabba, ana ma cheyy.

Wa kan nanti kulli cheyy al-indi le l-masaakiin lahaddi nisallim jismi achaan nistakbar wa laakin ma indi al-mahabba, ma nalga cheyy.

Masalan, wakit ana wileed sakhayyar ana hajjeet hije hana iyaal dugaag wa fikri kula hana iyaal dugaag wa agli kula hana iyaal dugaag. Wa laakin wakit ana kibirt khalaas wa bigiit raajil, khalleet minni al-iyaaliiye.