Popular Bible Verses from Maafîu 7

Share

“Ka sãa maa mare-kɛɛ kɛ́, da pâi dɛɛ̂i kápɔ. Ka sãa kɔ́ri, ka pâi zɔlɔ ƃôi. Ka gbôŋ túa, da pâi ǹá ƃôi kâa.

Kpɛ́ni fêi, ǹúui kélee a sɛŋ fɛ̂lii, a pâi zɔlɔ ƃôi. Ǹúui a sɛŋ kɔ̂rii, a pâi gáâi. Ǹúui a gbôŋ tuai, da pâi ǹá ƃôi mì.

“Mɛni ma, ǹúui kélee a ŋ́oo-ŋai ŋí mɛni é díkɛ̂i, móloŋɔɔ̂i táre-nuu ma, nyii ŋɔpɛ́rɛi tɔ̀ɔ kɔni ŋái.

Mɛni ma nyii kélee ka ŋ̀wɛ̂lii nûa dí gɛ a káai, ka gɛ tí máŋ a dia, kpɛ́ni fêi, bere ƃe Dɔ̂ŋ da Ɣâla ŋɔlóno-kɛ-ƃelai da nɛ̀ la.

Kɛ́lɛ, góraŋ la kuro-teɛ̂i da bere su-kuro-teɛ̂i da lî a núu fulu-laa su, mɛni ma, núu tɛi-tɛi nɔ ƃa tɛ̂ɛ là.

“Ka lɔ́ góraŋ lá kuro-têi naa-pere, kpɛ́ni fêi, góraŋ lá kɛ́tɛi da bere su kɛ́tɛi da lî a núu su-kara-taa, núu támaa da tɛ́ɛ la.

À kɛ̀ káai kákaa a sɔnyɔ̂ŋ-ƃelai ka sama-sãa lɛ́lɛɛ-ŋa tɛɛ-pere kɔ́lɔŋ kálônii pɔ́, Káɣâla-taa-Naŋ fa pɔ̂ri sama-sãa lɛ́lɛɛ-ŋa tɛɛ̂i diai vɛ̀lii dípɔ é tɛ́ɛ nyíti ma?

“Káfe káƃarâŋ-nuu ŋɔmɛni ŋá tèe. Dífa lâ káwɔ̂ mɛnii ŋá tée la. Kpɛ́ni fêi, berei ka káƃarâŋ-nuu ŋɔmɛni ŋá tèe lai, bere nɔ́ ƃe da pâi káwɔ̂i ŋá teêi la. Berei ka sɛŋ gɔ̀ɔŋ la ka dɛ̀ɛ núu pɔi, bere nɔ́ ƃe da pâi gɔɔnîi la dí dɛ̀ɛ la kápɔ.

Ǹyaŋ ǹúui kélee a ŋ́oo-ŋai ŋí mɛ̀ni, va díkɛ̂i, móloŋɔɔ̂i ƃoo-nuu ma, nyii ŋɔpɛ́rɛi tɔ̀ɔ ŋɛyãai sui.

Le ƃe kɛ̀ ya ŋ̀úru-kalaŋ pɛlɛ-pɛlɛɛi kɔ̀ri la íƃarâŋ-nuui ŋ́ɛi-gao ma, kɛ́lɛ, ífa ŋ̀úru-kponoi kàa yá kpîŋ íŋɛi-gao mai? Kpaa máŋ ya pɔ̂ri m̀ôi leŋ íƃarâŋ-nuui ma, ‘Tɔɔ ŋá ŋ̀úru-kalaŋ pɛlɛ-pɛlɛɛi kúla íŋɛi-gao ma,’ à kɛ̀ ífa ŋ̀úru-kponoi kâa íwɔ̂ ŋɛi-gao mai?

“Ka kámɛi káa a Ɣâla-maa-wôya lono-kɛ-ƃela. Da pâ kápɔ ƃála-kɔlɔ su, kɛ́lɛ, díkponôi kɛ́ ƃo a kɔ́li lii-ŋwanaa-ŋa. Ka pâi díkɔlɔnîi díƃa ma. Da tãyaŋ kpɔ̂lu kùla ŋalêŋ-wuru ma, kpaa máŋ dí fîi wuru-ƃa kula ŋalêŋ-wuru ma?

Berei máŋ gáa la tí, wúru lɛ́lɛɛ kélee a ƃâ a m̀á lɛ́lɛɛ, wúru nyɔ́mɔɔ kɛ́ ƃà a m̀á nyɔ́mɔɔ.

Wúru lɛ́lɛɛ fa pɔ̂ri ƃâi à m̀á nyɔ́mɔɔ. Ǹyaŋ wúru nyɔ́mɔɔ fa pɔ̂ri ƃâi a m̀á lɛ́lɛɛ.

Ŋúrii nyii kélee m̀á fa kɛ̂ a ǹɛ́lɛɛi, da dèe dí bili ŋɔŋ ŋá.