Popular Bible Verses from Maafîu 6

Share

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

“Mɛni ma kálii fé sɛlɛŋ tínaa mɛni ma, kpɛ́ni fêi, tínaa líi a pâi sɛ́lɛnîi gbîŋ mɛni ma. Tɔɔ fólo tɔnɔi ŋɔmɛni nyɔ́mɔɔi é kɛ́ nɔ́ a gula-kɛ̂ɛ-ƃoɔɔ vólo tɔnɔi kpîŋ mɛni ma.

“Mɛni ma, ŋá m̀ôi kâa, kálii fé sɛlɛŋ káfulu-laai mɛ̂ni ma, zɛŋ ka pâi miî, kpaa máŋ zɛŋ ka pâi gbelêi, kpaa máŋ zɛŋ ka pâi doôi kâai. Ǹyaŋ vulu-laai fé tɛɛ ni mii-sɛŋ ḿâ, gbonoi tɛ̂ɛi seɣe ma?

Kɛ́lɛ, yà kɛ̀ Ɣâla fɛlîi, lɔ́ íloŋpoi su, í bɛ́rɛi lá tɛ́, í Ínâŋ fɛli nyii gáa loo-pere sui. Ǹyaŋ Ínâŋ nyii a loo-mɛni su kàai, a pâi ífela fêi (nûa ŋɛ́i).

Mɛni ma, ka Ɣâla fɛli a bere-sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa. Tɔɔ Íkâloŋ-laai é pá, Tɔɔ ínîa-mɛni é kɛ́, Ǹɔii ma ƃɛ́ yɛ̂ɛ berei gáa la Ɣâla-taai.

Kúkɔ sâa a kúɣele-kuu tɔnɔ-tɔnɔ mii-sɛŋ

Í ípôlu fé kútɔ̂ŋ-karaa-ŋai dîa, Yɛ̂ɛ berei kwa kúpôlu fè la kúƃarâai dítɔ̂ŋ-karaa-ŋai diai

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

“Kpɛ́ni fêi, à kɛ̀ ka nûa su-mɛni lɛ̀ɛ dítɔ̂ŋ-karaa-ŋai mɛ̂ni m̀a, Káɣâla-taa Nâŋ a pâi máŋ kásu-mɛni lɛɛ̂i.

Ka ŋɔni-ŋai kâa ŋelei sui. Dífa sí-sɛŋ sì, kpaa máŋ dí dée dí dɛ́ kêrei, ǹyaŋ Káɣâla-taa-naŋ a díŋa kɔ̀ŋ. Ǹyaŋ kámaa-mɛni fé kpanaŋ ní é tɛ́ɛ dîa?

“Káfe tɔɔ-sãa lâai kɛ̀ ǹɔii su kákpîŋ mɛni ma ƃɛi fili da kpɛ̃ɛ da pɔ̂ri garâi naai, da ƃɛi ŋúma-ƃelai da pɔ̂ri liî naa dí ŋumai. Kɛ́lɛ, ka kátɔɔ-sãai lâai kɛ́ Ɣâla-taa kákpîŋ mɛni ma, ƃɛi fili da kpɛ̃ɛ dífa pɔ̂ri garâi naai, da ƃɛi ŋúma-ƃela dífa pɔ̂ri liî naa dí ŋumai. Kpɛ́ni fêi, ƃɛi ítɔɔ-sãai díkaa naai, nàa ƃe ílii a pâi kɛ̂i naa máŋ.

“Núu tɔnɔ fa pɔ̂ri tíi kɛ̂i nuu-mɛi-ƃela feerɛ dîɛ, kpɛ́ni fêi, a pâi dɔnɔ kpɔarâi é gbélii wɛ́li, kpaa máŋ a pâi kánanîi dɔnɔ ma é ŋ̀ɛi pôlu fé gbélii mì. Káfa pɔ̂ri kɛ̂i Ɣâla yée mu da sɛŋ-kao.

A kɛ̀ Ɣâla a galai maa ɣiri díkaa ǹɔɔi sú, nyii gáa sâa a vulu, kɛ́lɛ, tínaa da dèe dí bili ŋɔŋ sui, gɛ̀ ní, va pɔ̂ri kpɔ́ kámaa ɣirîi é tɛ́ɛ nyíti ḿâ. Kálaa-lai kuro-têi lé mɛ̂ni m̀a?

Kɛ́lɛ, yà kɛ̀ sama-sɛŋ tɛɛ̂i, ífe ǹɛɛ naa íkɔɔ-yee fé m̀ɛnii kɔ́lɔŋ ílaa-mii-yee káa gɛ̂i, a gɛɛ ísama-sɛŋ maa-mɛni é kɛ́ loo-pere su. Ǹyaŋ Ínâŋ nyii a loo-mɛni su kàai, a pâi ífela fêi (nûa ŋɛ́i).

“Ka kámɛi káa a gɛɛ káfe kátɔ̃yâ-laa kɛɛ̂i kɛ̀ nɔ́ nûa ŋ́ɛi a gɛɛ dí kákaa. Kà gɛ̀ ti, gɛ̀ ní káfe pâi fela-fei sɔlɔ ƃôi Káɣâla-taa-Naŋ yêei.

“Kà kɛ̀ pilîi suŋ su, káfe káŋɛi ɣiri yɛ̂ɛ giri-ƃelai, kpɛ́ni fêi, da díŋɛi maa yiki a gɛɛ nûa dí gɔlɔŋ díkaa suŋ su. Ŋa tɔ̃yâ ƃôi kâa, da dífela-fei sɔlɔ ƃô. Kɛ́lɛ, yà kɛ̀ pilîi suŋ su, wulɔ sia íŋûa í íŋɛi waa, a gɛɛ nûa da íkàa, dífe gɔlɔŋ a gɛɛ íkaa suŋ su, fɛ̂ɛ Ínâŋ nyíi gáa loo-pere sui. Ǹyaŋ Ínâŋ nyíi a loo-mɛni su kàai, a pâi ífela fêi.