Popular Bible Verses from Azaya 49

Share

Nya ƃe Yâwɛɛ è díwoo su tòo ǹyɛɛ dîai, “Lóŋ-lee da a ǹîa ǹóŋ ma nyii è ŋíni tòo ǹái? À kɛ̀ kpîŋ nɛnî da a pɔ̂ri gɛ̂i tí a ǹóŋ, fé pâi gɛ̂i tí a káa.

Zerusâlɛŋ, fé pâi wɔ́lɔ ńyee kulâi ímu. Ŋa ílaa pɔ̃yɛ ńyee-lîi.

Yâwɛɛ a m̀arê kɛ̂ɛ-ŋai ŋí su-kula a tɔ̃yâ woo-ŋa ǹyɛɛi, “M̀ɛni-ŋai ŋí ƃé pâi kɛ́ tí-ti ƃôi. Da pâi gɔ-kûluƃai ŋɔkɔ-sôŋ-ŋai kulâi ǹyêei, dí gâloŋ wála-walaai ŋɔtoo maa sãai kélee kúla ǹyêei. Ŋa pâi kɔ̂i diai kélee pɔ́ pâi kɔ̂i kápɔi, ŋá kálônii ŋuŋ ma ƃó.

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Ɣele-kɔ̂lɔŋ-ŋa, ka wule tóo! Lɔii, ye láɣi ɣelêi pere a lii-nɛ̃ɛ pere. Yée-ŋa, káa máŋ ka lii-nɛ̃ɛ wule-ŋa too ɣelêi-pere. Yâwɛɛ a ŋɔnûai ŋá-nɛnɛ. Diai mɔ̃lɛ̂i a pâi díŋɛi malôŋ kâai.