Popular Bible Verses from Azaya 41

Share

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Ńyãa ƃa Káɣâlai Yâwɛɛ. Ŋa wála-wala tɛ̀ɛ kápɔ, ŋá m̀ó kâa ńyɛɛi, ‘Káfe yào, ŋa pâi kpɔŋ mâa tɛɛ̂i kápɔ.’ ”

“Lɔii-ŋuŋ-ŋai ńyii-ŋai dísu-ƃela líi ŋwânai kâai, ka pâi díyee mɛi ɣâlei, dí ŋumɛ. Diai da kɔ́ pɛ̀lɛ kâai, ká dísu-kara

Ŋá kákùla kwaa kôya-koyaa-ŋa ma ǹɔii m̀éla kélee ma ŋá pá a káa. Ŋá m̀o kâa ńyɛɛi, ‘Kákaa a ŋátíi kɛ́-ƃela.’ Fé ńyee kùla ní kámu.

Ka pâi kákpɔara-ƃelai kɔ̂rii, kɛ́lɛ káfe pâi díkâai. Diai pâi kɔ́ pɛlɛ̂i kâai, da pâi lánîi.

Yâwɛɛ a m̀ôi ǹyɛɛi, “Eezuɛ-ƃela, berei máŋ ka kuro-têɛɛi lai káfe yào. Ŋa pâi kpɔŋ mâa tɛɛ̂i kápɔ. Ńyãa ƃa Eezuɛ Ŋɔɣâla Maa Waai. Ńyãa ƃé káŋuŋ mâ ƃò.

“Kɛ́lɛ Eezuɛ-ŋa, kákaa a ŋátii kɛ́-ƃela. Kákaa a ŋáwɛli kɛ́ maa nuui Eberaɣɛ̃ɛ ŋɔsuui su-ƃela. Ŋá kásìɣe zu a gɛ́ɛ ká kɛ́ a ŋátii kɛ́-ƃela.

Ŋa pâi gɛ̂i ya-lêe-ŋa dí láa ǹyée pɛlɛ-pɛlɛɛi su, ya-ɣɛ̂li pɛlɛɛ-ŋa dí láa ǹyée-ŋai loai. Ŋa pâi yá lâai vɛ̃ɛ-kpâlaŋ-ŋai su, ŋá gɛ́ ya-ɣɛ̂li pɛlɛɛ-ŋa dí láa ǹɔii kpâla-ŋai dîa.

“Kpele-wɛ̂li a gôlo-ƃelai da ǹuu doo-mu-ƃelai sòŋ, yá fé naa a gɛ́ɛ dí díkpele la, gɛ̀ ní, ńyãa Eezuɛ Ɣalai, ŋa pâi dífɛli-wôoi mɛnîi, ŋá yá tɛ́ɛ dípɔ. Fé pâi wɔ́lɔ ńyee kulâi dímu.

Gbɛ̂ɛ ƃé gɛ̀ m̀ɛni-ŋai ŋí díkɛ kɛi? Gbɛ̂ɛ ƃé gɛ̀ m̀ɛni-ŋai ŋí dí kɛ́ kɛ̀ a gɔ́ɔ pîlaii? Ńyãa Yâwɛɛ, ŋá kɛ̀ naa a gɔ́ɔ pîlanii. Ǹyaŋ ńyãa, Yâwɛɛ, ŋa pâi kɛ̂i naa a gbɛɛ ŋá ɣele.

Ŋa pâi gɛ̂i sîda wuru-ŋa, akasia wuru-ŋa, matɔ wuru-ŋa, da ɔle wuru-ŋa dí kpɛtɛ vɛ̃ɛ-kpâlaŋ-ŋai su. Wôla-wuru-ŋa da pâi kpɛtɛ̂i ǹɔii-kpâlai ma. Pãi-wuru, zunipa da sapɔrɔ-wuru-ŋa da pâi kpɛtɛ̂i naa máŋ. Ŋa pâi gɛ̂i tí nûa da naa kàa, dí gɔ́lɔŋ a gɛ́ɛ ńyãa Yâwɛɛ ƃé gɛ̀ tí. Da gàa dí gɔ̀lɔŋ da pâi târei zu a gɛ́ɛ ńyãai a Eezuɛ Ŋɔɣâla Maa Waai ƃé gɛ̀ é kɛ́.”