Popular Bible Verses from Zia-ƃelai Kɛ́-mɛni-ŋai 16

Share

Nya ƃe dí mò mai, “Láa a Kúnuu-namui Zîsɛ, gɛ̀ ní, ya pâi ƃálôi ka ípɛrɛi-mu-ƃelai.”

Kɛ́lɛ, gbínii seriɛ zamai, Pɔ̂ɔ da Salɛ dí kɛ̀ Ɣâla fɛlîi díkɛ wule too ma. Pelesinɛ kpeli-ŋai dí díwoli tɔ́ɔ dîa. È kɛ̀ nɔ́ ti ǹɔii gwaa kélee e kpɛ̃liŋ. Gbini-pɛrɛi gwaa kélee e kpɛ̃liŋ; ǹá é ƃó gwaa kélee a maa félaa, pelesinɛ-ŋai kélee dí fùloŋ.

E kùla a dia loŋpoi su, ǹyɛɛ diai, “Ŋánûa, le ƃe ŋa pɔ̂ri gɛ̂i ŋá ƃálo?”

Nya ƃe gbini-pɛrɛi lá-nuui e ŋ̀ɛ́i lá ƃò e bɛ́rɛi káa ǹá ƃoɔ gwaa kélee. E ŋɔƃóa-sɔkpɔ̂i sìɣe a gɛ́ɛ e gbîŋ paa, kpɛ́ni fêi, è kɛ̀ gâai pelesinɛ-ŋai da pú. Kɛ́lɛ, Pɔ̂ɔ e làɣi kpɔ́ a ŋ̀óo su kɛ́tɛ, ǹyɛɛi, “Ífe mɛni pɛlɛ íkpîŋ ma. Kpɛ́ni fêi, kúkelee kúkaa ƃɛ.”