Popular Bible Verses from Samia Maa-ŋuŋ 2

Share

“Sɛŋ da fé naa maa waa yɛ̂ɛ Yâwɛɛ. Sɛŋ da fé naa é kúla bôlu. Kɔni da fé naa é kpanaŋ yɛ̂ɛ ǹyaa.

A gôlo-ƃelai tɛ̀ ɣelêi. A kwaa ma tɛ̀ɛ dîai pɔ́ díkɛ̂i fé mai. A dísiɣe yɛ̂ɛ kâloŋ lonii é dísee ƃaa-kɛ́-maa see-sɛŋ ŋá. Yâwɛɛ ƃé ǹɔii kpɛ̀tɛ, ǹyaŋ zãâi kélee zui, gáa a bɔ́ɔ.

“A pâi dɔ̃yâ-ƃelai mɛi kâai. Kɛ́lɛ a pâi zɔnyɔ̂ŋ-ƃelai tɛɛ̂i kpînii. Díta fé pâi pɔrîi ŋɔkpɔara-nuu yée mɛi ɣâlei a gbîŋ wala-wala.

Yâwɛɛ a kôlo-nuu kpɛ̀tɛ gɛ́ tɔɔ-nuu kpɛ̀tɛ. A núu maa tɛ̀ gɛ́ núu maa yêŋ.

Yâwɛɛ a fúlu-laa siɣe gɛ̀ pà pôlu a fúlu-laa. A núu tɛ̀ɛ saa táa, é ŋɔ́nɔ pá la pôlu fúlu-laa su.