Popular Bible Verses from Kɔleŋtiɛŋ Maa-ŋuŋ 2

Kpɛ́ni fêi, yɛ̂ɛ berei bɔ̃yɛɛ̂i lai, “Mɛnii nuu ŋɛi fe niî gáa ni, kpaa máŋ núu wóli fe niî mɛni ni, kpaa máŋ ve niî lɔ ni núu líi su, mɛnii Ɣâla a gbɛtɛ diai dí ŋ̀wɛ́li ni dímɛni mai,”

Núu-kpune tua-perei a gɛ̀ va Ɣâla Ŋɔmɔ̂leŋ ŋɔsama-sãai sɔlɔ ƃo, kpɛ́ni fêi, díkaa nɔ́ ŋ̀ɛi a ƃoo-sãa, va târe dímaa-mɛni su, kpɛ́ni fêi, núu a târe dímaa-mɛni su M̀ɔlêŋ sârai.

Ɣâla a gélee lɛ́ kûa M̀ɔlêŋ sârai. Kpɛ́ni fêi, M̀ɔlêŋ a sɛŋ kélee kɔ̀ri é tóo máŋ Ɣâla ŋɔtárei kpóŋ seêi ma.

Kúfe niî ŋ̀éniɛi ŋí su tua-perei sɔlɔ ƃo ni, kɛ́lɛ, kwa M̀ɔlêŋ sɔlɔ ƃo nyíi kùla Ɣâla yêei a gɛ́ɛ ku táre zama-sɛŋ maa-mɛnii su Ɣâla e dɛ̀ɛ kúpɔi.

Ńono-woo da mɛnii ŋá kɛ̀ m̀ôi dífe kɛ́ ni nɔ́ a la-nɛ̃ɛ maa-tare-woo-ŋa, kɛ́lɛ, dí kɛ̀ a M̀ɔlêŋ ŋɔmɛni-ŋa-lɛɛ da ŋɔwála-walai, a gɛ́ɛ kálaa-lai fè kɛ̀ núu-kpune ŋɔtáre ma, kɛ́lɛ, é kɛ́ Ɣâla ŋɔwála-walai su.