Popular Bible Verses from Sal 42

Share

Eh xuq'or wo' chik chi je' wili: ¿Chib'ih reet noq q'e' ntib'ik nuk'ux eh chi ma' i nelik pan wánima taqe re'? Re' hin ch'iklik wo' naq nuk'ux ruuk' i nuDios konee ruyeew q'ab' chi nee nuloq'ej, chi nee kiruko'leej, kinki.

QaJaaw Dios, re' hin nuchop nuk'ux chasik'ariik, je' rukab' i rub'an i keej noq chiqiij chii' inooj chusik'ariik ruhaa' korehtaal i rureq. Re' hin chiqiij nuchii' reh rusik'ariik i QaJaaw, re' k'achlik Dios. Re' hin xa nwaaj chik ojik chalooq'jiik.

Eh xnuq'or chi je' wili: ¿Chib'ih reet noq q'e' intib'ik nuk'ux eh chi ma' nelik ta pan wánima taqe re'? Xanaah re' ch'iklik wo' naq nuk'ux ruuk' i nuDios, ko nee ruyeew q'ab' chi neenuloq'ej, eh chi nee kiruko'leej, kinki.

Re' hin chi q'iij chi aq'ab' oq'ik i nub'an, ma' nukapaaj ta chik nuwa' nuhaa' ruum. Eh rajlaal q'iij inkiq'or weh chi je' wili: ¿Aha' wilik aaDios inaq'or? inki taqe.

Re' hin k'ahchi' ruyojiik nuk'ux ruum i ti' k'axik. Ruum aj re' eliik tinukapaaj noq wilkiin inaasjik cho wii' i nim ha' Jordán, pankiyuq'ul i aj hermonitas, eh chinaah i yuuq' Mizar.