Popular Bible Verses from Isa 44

Share

Re' hin naa nutz'uhkrisam chaloq i ha' chupaam i ye'aab' chiq yuuq'. Eh je' wo' i nim ha' chupaam i ye'aab' ma' xta nelik chuwach. Naa nuye'em i wuxlab'al i wotob'il chikinaah taq aawiih aamaam.

Re' QaJaaw Dios, i kiReey i aj Israel re' inko'linik keh je' wili i ruq'or: Re' hin xa wilkiin wo' chaloq pampeet, je' wo' parukuxiik wach i chib'ih jariik. Ma' jino'q chik Dios chi nuwach i hin.

Re' hin xnusach chik wach i ma' holohik ta taq xa a'n, eh xnukuy taq amahk, je' rukab' noq insahchik wach i suutz'. Eh xat nuko'leej taq chik ruum aj re' kinanimaj wo' taq chik.

Re' taq hat mat yo'jik taq aweht'al taq chi xa re' wo' hin xinch'obwik cho rub'ehel chib'ih taqe i naa ruk'ulariik. ¿Mi wilik chik jino'q i Dios re' chi nuwach i hin? Re' taq i hat aweht'al taq chi ma' xta chik jino'q inko'linik chi nuwach, i hin.

Re' hin i Dios, hin xintz'ukrisanik taq chaaweh eh xatnuyejaa' taq chaloq noq komajaa' taq ti aasjik. Maayohb'isaj taq awiib', i hat taq waj kamanoom, re' hin xin sik'wik taq chaaweh, ti nuk'ax taq.