Popular Bible Verses from Isa 38

Share

Hiy wo' chik ruuk' i Ezequías, je' wili i cha q'or reh: Re' i QaJaaw Dios je' wili i xuq'or aweh: Re' hin, hin ruDios i xikin aamaam David, xb'iraj chik i aatiij xwilow chik i riis naq'awach, ruum aj re' ko ho'lajuuj chik haab' naa nutiqim rooq aak'achariik.

QaJaaw Dios, re' hin inupahqaaj otob'il aweh chi k'oloq tii cho panak'ux chi xatnunimaj chi korik ruuk' i rukorkiil wach nuk'ux. Eh xti xnub'an chu'nchel nuk'ux imponik chawach, inki, eh xasuq suq chik inoq'ik.

Yu'naak re' naq i ruti'kiil nuk'ux xasutej chi rusuqkiil k'uxliis. Re' hat xako'leej chik riij i nuk'achariik xinawesaj chik pankimik, ruum xakuy chik chu'nchel i numahk.

Eh chupaam q'iij re' re' xchoparik ruum i runimaal yaab'ilaal i reey Ezequías. Re' i Isaías jalal ruq'oral i Dios rak'uun i Amoz xponik ruuk', je' wili i xuq'or reh: Re' QaJaaw Dios je' wili i xuq'or aweh: Chayejaa' chib'ih jariik i naa ayejaam wach panapaat ruum naa akimiik, ma' naa ta chik ak'aachjiik, inki.