Popular Bible Verses from Isa 17

Share

Re' Isaías je' wili i xuq'or: Re' i tinamit Damasco naa rukahniik chi ma' re' ta chik tinamit. Naa rusachariik wach chu'nchel i wilkeeb' chupaam.

Re' taqe aj Efraín naa rehtesjiik i runimaal kiwach, je' wo' taqe i aj Damasco. Eh re' taqe aj Siria i ma' naa ta rusachariik kiwach, naa kikahniik pank'ixb'ilaal, je' wo' taqe i aj Israel, inki QaJaaw Dios nim rajaawriik.

Eh chupaam i q'iij re' re', naa rehtesjiik i runimaal kiwach i aj Israel, re' taqe i riih rumaam i Jacob, naa wo' rusachariik wach i kib'ehomal.

Eh re' tinamit Aroer naa rukahniik chi ma' xta chik i wilik chupaam ch'ahn chik i naa rupoq'iik ar, re' chik taqe tentzun naa kianam kiwa' ar, ma' xta naa ruyohb'isaniik keh.