Popular Bible Verses from Hech 17

Share

Re' Dios je' re' i xub'an, re' naq xraaj i reh chi xsik'arik ta kuum i tinamit re' re', reh chi ma' k'axik ta naq noq xkireq, atoob' ta re' Dios xti korik wo' hoq chi ma' najt ta wilik quuk' i hoj chi qaju'junaal

Re' reh xa jinaj chi winaq xutoq'aa' cho rutz'uhkrisam wii' chu'nchel i tinamit, reh chi naa kipatinik chinaah chu'nchel i wach ak'al. Eh xuq'at wo' cho riij nik' najtiil naa kik'achariik. Xuq'at wo' cho riij i kiye'aab' nik' nimaal naa kiwihiik wii' i ju'jun seht chi tinamit.

Re' i Dios i xyej-anik reh i wach ak'al, je' wo' chu'nchel chib'ih jariik i wilik wach ak'al ehchan reh i taxaaj je' wo' wach ak'al. Ruum aj re', re' reh ma' impatinik ta chupaam paat xa kiyej-aniik winaq.

ruum re' Dios rupab'aam chik ruq'ijil jaruuj i rub'an i q'ataj q'orik chikinaah i tinamit. Eh jinaj i winaq rusik'im cho wach chub'anariik, re' wili xuk'uhtaaj chik chikiwach i tinamit noq xruksaj wo' chik chaloq chi k'achlik wach, inki i Pablo.

Eh wila' re' hoj korik chi hoj rak'uun rixq'uun i Dios pan taxaaj, ma' ruyee ta riib' chi neen qakapaaj chi re' Dios i je' ruwii' jino'q tiyoox oro, tiyoox plata, tiyoox ab'aj xa kiyej-aniik winaq re' q'oreel nik' wach ruwii' inkaaj kiyejaam i keh pankik'ux.