Popular Bible Verses from Hech 16

Share

Re' keh je' wili i xkiq'or: Chanimaj i qajaaw Jesucristo nee tiko'ljik i hat, nee wo' kiko'ljik i awach aweh panapaat, inki taqe.

Eh je' naa chik yejal aq'ab' noq tiij eh tz'uuy inki a'n i Pablo, i Silas chi loq'oomb'al ree Dios. Eh re' taqe i kuch aj tz'ilom k'ahchi' i koq kib'iram. Eh chi ma' keht'al, xchalik jinaj i kowlaj yihk, kow xuk'u'yisaj taqe tz'aq ree tz'ilom. Ruum i re', xitehib'ik taqe ru puertahiil i tz'ilom, eh xik'upib'ik taqe karena b'ak'alkeeb' wii' chu'nchel i aj tz'ilom.

Eh xrisaj taqe cho pantz'ilom, xupech'uj keh chi je' wili: Hat taq ajaab'ees, ¿chib'ih naq ineenub'an chi neekinko'ljik? inki.

Noq xna'lojik reh i aj cha'jen tz'ilom, i rilow tehinaq chik taqe i ru puertahiil i tz'ilom. Eh xrisaj cho parupaat i ruq'aslaj ch'ihch', naa naq rukansam riib', ruum xukapaaj chi xi elik chu'nchel i wilkeeb' pantz'ilom. Eh re' i Pablo, xuk'er reje chii' chuq'orariik reh chi je' wili: Maacansaj awiib' re' hoj wilkooj ayu' chi qunchelaal inki.