Popular Bible Verses from Pr 17

Share

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

A mach tztechj ya'n niwnc'ojlal yuj tas tz'aj yixtxi, tznib'j to wach' yaj yet' yit 'anma'il, ax mach to tzyalb'tan̈j jun tzo'n̈ cha, tz'el eb' swach'c'ojl 'a stz'ey.

Toto jab' wal tas tzcalec, caw 'ay qui nab'enec, caw jeln on̈ec toto tzqui yamc 'och wan qui b'a.

Toto matz ta'w junc may snab'en, ax tz'aj snaxi to 'ay snab'en.

Yel xo wach' junc'ojlal cajec, wach'xam to tacn̈ wal tzqui wajec, 'a yib'n̈ to q'uin̈ 'aych 'a catutec 'a junjn c'u, palta owln̈ej pax cajc 'a catutec cha.

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.