Popular Bible Verses from Tit 3

Share

Palta max tx'oxaj Cham co Colomal Dios is watx'c'ulal, c'al is camc'ulal bay masanil anima. Yuj tu', max on colchaj el yuj. Man yujok junok tzet watx' max el juneni, xan max on is colo'; palta asan yuj max ok' c'ul Cham jin. A yet max tx'ajon el co yobtakil jin, axca wal tol max on alji yet cayelal. A Yespíritu max q'uexon co nabal. Yuj co Colomal Jesucristo xan max yatek Dios Yespíritu ayon yin masanil is c'ul. Xan watx' on yul sat, yujc'al is watx'c'ulal. Yuj tu' xan ok yak' c'apax co k'inal tol ayc'al yin tojbalk'inal, jun ayc'al oc yipok co c'ul.

Cha jek na eb creyente tu', tol yikem chi yut ba eb bay masanil eb yajaw. Yowalil chi yikej eb bay chi yal eb. Tzanc'al tzet mulnajilal tol watx', bekanokab chi yut eb c'ul watx'neni. Manokab comonok chi buchwaj eb yin yet animail. Manokab comonok chi yak'lej eb owal yetok junok mactxel. Watx'okab chi yut eb is nabal, mansookab chi yut ba eb bay masanil anima.

Manchak aoc a ba yetok eb comonc'al chi teyelej ba yin tzet nabac'al, c'al xol eb asan yabixal eb ichmamej chi yaltek. Manchak a c'apax oc a ba yetok eb comonc'al chi yak'lej owal, c'al yetok eb chi teyelej ba yin ley Moisés. C'am tzet chi yi' eb yin juntzan chi yalubtanej tu'. Nabac'al chi yetnej ba eb.

Ta ay eb chi ochen chi pojchaj eb creyente, cha tenchanej eb junel cayelok. Ta c'am chi yikej eb, che yiel eb e xol.