Popular Bible Verses from Ez 37

Share

Max yalon Jehová ayin axca ti': Alil in k'anej bay juntzan bak ti', cax chalon axca ti': Ex takin bak, abek k'anej Jehová ti'. Axca wal ti' yalon Jehová Cham Yajaw: Ok wak' e yi' e cak'ek' junelxa, cax ok ex iquisbok pax ajok.

Ok e nublej pax e ba, cax ok ex wak'on noj yuj e chibejal junelxa, axa yoc pax e tz'umal e yin cax ok wak' e yion e cak'ek', axa e yiquisbi aj junelxa tu'. Axca wal tu' ok yun e yojtaknen elok tol ayin ton Jehová in, ẍi Cham, cachi, ẍi Jehová ayin.

Cax max yalon ayin axca ti': ¿Ach anima, chi mi je' yiquisbi aj juntzan takin bak ti' junelxa? ẍi. Cax max in tak'wi axca ti', max waloni: Mamin Jehová Wajawil, asannej ach ojtak, quin chi.

Max yaon oc Jehová is k'ab wiban, axa Yespíritu max ak'on wila' axca tol ayin ec' bay jun jobe bay bulan ay juntzan bak. Max in yikban ec' Jehová bay xolak juntzan bak tu' max wila'; nojnak el masanil bay yul jobe tu' yuj takin bakil camnak; xiwilxa bak, palta caw wal takinxa.

Ti wal max wal juntzan k'anej ti' axca wal max yun chekon Cham wala'. Yak'ban chin k'anjabi, max waben bil jun tzet yetal, ti tol quixcab max eq'ui, axca tu xin max c'oli junanen oc ba juntzan bak tu'. Cax max wilon xin, tol mayal junanej oc ba juntzan bak tu', ayxa oc tx'anil, yetok chibejal, c'al tz'umal yin. Asan xin, c'amto chi yi' eb cak'ek'.