Popular Bible Verses from 2 Ti 2

Share

Caw chak' ep a mulnaj yin yet Dios, yet watx' chi yil eb tol watx' a mulnajil, cax caw watx'c'al chot alon el k'anej Dios acaw yel. Ta chon axca chi wal ti', c'am tzet yuj xan ok ach q'uixwok aj satak Dios.

Besil a ba yin juntzan tzet chi yochej oc eb et ach'ejal. Ocan yin tojolal, yin camc'ulal, yin junc'ulal, c'al yin aon oc a c'ul yin Cham Jajawil axca chi yut ba eb c'am jabok is paltail satak Cham, yet chi yalon ba eb bay.

A mac chi ak'on serbil Cham Jajawil, c'am chi je' tol comonc'al chi yatok ba xol owal. Yowalil manso chi yut ba eb bay masanil anima. Yowalil watx' chi yut cuywaj ba eb, cax miman c'apax chi yut eb c'ul.

Ta ayon c'am chi yun tzet chi jala', palta a Cham chic'al yun tzet chi yala'. Yujtol c'am chi je' q'uexon Cham is ti' yin tzet chi yala'.

Yetok c'apaxok, watx'c'ulalokabc'al chi yut yalon eb bay eb chi tit yowal. Yamita ok ak'lay na ba c'ul eb yuj Dios, cax ok yojtaknen el eb jun cuybej acaw yel.

Man a cha' ab tzet chi yal eb comonc'al chi k'anjabi, eb c'am yelapnok tzet chi yala'. Yuj is comon k'anej eb tu', xan chi texac'al toj eb xol tzet man watx'ok.