Popular Bible Verses from Salmos 18

Share

Aya colol wi'je, aya jun lugar te colbil wibe ex tzokpilte weye. Aya Ndiose ic ttena te weye ic tza'n jun pic in chin clete tu'n, ex ic tza'n jun makbil in ajben tuj k'oj, ex tu'nju nim tipumala in chin clete, ic ttena ic tza'n jun ewbil wibe ma' tjax.

Aju tbe Dios puro tz'aklxix; aju yol in tzaj ttziyan ba'n tu'n tke' kc'u'j ti'j; ate Dios colol cye cycyakil keju in ke' cyc'u'j ti'j.

Aya Nman, ba'n tu'n tjaw nimset tbiya; oc in chin txocone ti'ja in chin clete tu'na cywitz aj k'oj wi'je.

Tej in chin bisuntoke in oc tene txcolte Kman, xi nkanine onbil te Ndiose, ex in tzaj bi'ne tu'n max tuj tja; pon tk'ajk'ajel nwi'ye tuj t-ẍcyin.

Aya Nman in tzaj k'onte spic'un weye, aya Ndiose, tu'na in tzaj tk'o'na spic'un tuj klolj jatum atine.

Ate Dios in tzaj k'onte wipune, a onil weye tu'n ntene minti' npaltile

Itz' te Kman. Nimanxwit aju colol wi'je. Jawxwit nimsa'n Dios aju clol weye.