Popular Bible Verses from Marcos 16

Share

Xi tma'n Jesús cye: —Cyxi'ye tuj tcyakil twitz tx'otx', cypacbanxe tkanil colbil cye cycyakil xjal.

Ex akeju che ocslal, che bantel ke señ lu cyu'n: C'ajbel nbiye cyu'n tu'n cyetz ke ju'ẍ tuj cyanmi xjal; ex oc che yolil tuj junxitl yol; ka ma jaw cytzyu'n ke lobaj, ex ka ma txi cyc'a'n jun venen, minti' cbajel cyi'j; cbel cyk'o'n cyk'ab cyibaj yab, ex che banixel ke yab cyu'n.

Alcye ma tz'ocslan ex ma byan, oc cletel; atzun teju minti' ma tz'ocslan, cbel t-sentens.

Atzun cye t-xnak'tzben e je'x, xi cypacba'n tkanil colbil tuj tcyakil lugar; ax Kajaw onil cye, in tcyuwsa'nxix ju yol cyu'n ke señ in bant cyu'n. Icxwitju.]

Atzunte cu'xun xi tma'n cye: —Mi'n che jaw sec'paje; in che jyone ti'j Jesús aj Nazaret, aju jaw k'o'n twitz crus. Mi a'l tzalu, ma jaw ank'in. Cyque'yintze jatum cub k'o'n.

Pero tej cylonte, o cyil otok tz'el k'i'n ju abj ttzi pantyón, ex aju abj lu ma'xix. Tejtzun cyocx tuj pantyón, o cyil k'ukl jun cu'xun tuj bank'abaj, toc jun t-ẍjo'w sak; ex bi'x e jaw sec'paj xu'j.