Popular Bible Verses from Matey 5

Share

Ex oc toc txaket jun candil, mlay tz'ocx k'ot tjak' jun almi; nok o'cx cbel k'ot tibaj jun tcubil tu'ntzun tk'onte spic'un cye cycyakil keju ate' tuja. Cyja'xtzun tu'n tc'ant cyspic'umale cywitz xjal, tu'n cylonte aju cyak'unbene ba'n ex tu'n tjaw cynimsa'n tbi Cymane aju at tuj cya'j.

Akeye spic'un cyxol xjal. Jun tnam tcub twi' jun witz, mlay bant tewit.

At tzalajbil cye keju sak tuj cyanmi, porque c'oquel cyque'yin Dios.

At tzalajbil cye keju nne'l cyc'u'j ex in che txket ti'j tu'n cyoc te tz'aklxix, porque ctzajel tk'o'n Dios aju cyajbil.

Atzun weye cxel nma'ne cyeye: Cyc'ujlame ke aj k'oj cyi'je, che yoline ba'n cyi'j keju in che yasun cyi'je, cybinchame ba'n cye keju in che ic'un cyeye, ex che na'ne Dios cyi'j keju in che ilin cyi'je ex in che yajlan cyeye.

At tzalajbil cye keju nne'l cynic' ti'j ka at tajben Dios cye, porque at cyoclen ti'j ju cawbil in tzaj tuj cya'j.

At tzalajbil cye keju nno'c tilil cyu'n tu'n cyten xjal tuj tzalajbil cyxolx, porque c'oquel k'o'n cybi tc'wa'l Dios.

At tzalajbil cye keju in che bisun, porque oc ck'ukbanjtzel cyc'u'j.

At tzalajbil cye keju in che yajlanjtz tu'n tlaj ju in cybincha'n aju tz'aklxix, porque at cyoclen ti'j ju cawbil in tzaj tuj cya'j.

At tzalajbil cye keju in k'ak'an cyc'u'j ti'j juntl, porque ctzajel k'ak'an tc'u'j Dios cyi'j.

At tzalajbil cyeye oc cyoc yaso'ne ex oc cyyajlanjtze tu'n nlaje ex oc cymante xjal tcyakil mya ba'n cyi'je mya ax toc. Che tzalajxe ex che tenxe alegr, porque aju oyaj ctzajel k'o'n cyeye tuj cya'j, ma'xix; porque icxtzun e yajlanjtz ke t-sanjel Dios cyu'n xjal ojtxi.

At tzalajbil cye keju mans, porque oc cyc'ma' ju tx'otx' te cyetzbil.

Akeye atz'an cyxol xjal; katzun ma naj ta'w atz'an, ¿tza'n tten tu'n toctl ta'w? Minti'tl tajben, nok o'cx tu'n tex xo't ex tu'n tbaj waban cyu'n xjal.

Cyja'tzun, che ocxe tz'aklxix ic tza'n te Cymane aju at tuj cya'j tz'aklxix te.

Nok o'cx tu'n t-xi cyma'ne oc ex ka mi'n; porque ka ma tz'oc cyk'o'ne juntl yol tibaj jlu, atzun in tzaj tuc'il tajaw il.

O cybiye o k'manjtz cye xjal ojtxi: Ka at jun ma jatz tbak' twitz tuc'il tu'n, ax icx te tu'n tjatz tbak' twitz, ex ka ma tz'etz twitz te' tuc'il tu'n, ax icx te il ti'j tu'n tetz jun twitz te'. Atzun weye cxel nma'ne cyeye: Mi'n tz'aj cymojtza'ne k'oj tuc'il ju xjal mya ba'n; ex ka at jun xjal ma tz'oc jun tk'o'txa tu'n, k'onxa juntl pac' tk'o'txa, ka taj xjal tu'n toc juntl.

Ka tu'n tlaj tbak' twitza tuj bank'abaj cbel tz'aka tuj il, k'i'metza ex xo'mixa; porque mas ba'n tu'n tnaj jun tbak' twitza ex mya tu'n t-xi k'ot tcyakil t-ximlala tuj infierni. Ex ka tu'n tlaj tbank'aba cbel tz'aka tuj il, tx'emin ela ex xo'mixa; porque mas ba'n tu'n tnaj jun tk'aba ex mya tu'n t-xi k'ot tcyakil t-ximlala tuj infierni.