Popular Bible Verses from Matey 21

Share

Ex tcyakilju cxel cykanine tuj na'j Dios, ex ka ma ke' cyc'u'je ti'j Dios, oc cyc'ma'ye.

Xi ttzak'we'n Jesús: —Ax toc cxel nma'ne cyeye, ka at cyocslable ex ka minti' ma jawje' cyc'u'je, mya nok o'cx jacu bant tu'n ttzkij tkan higo cyu'ne, ax icx jacu txi cyma'ne teju witz lu: Tic'a ex xo'nx tiba tuj mar, ka che chiye, ex cbanteltzun aju cxel cyma'ne.

Atzun ke xjal nejni twitz Jesús cyuc'ix keju lepchix ti'j in che sch'in ex in cyma'n: —Kk'onx k'olbebl te Tc'wa'l rey David. Cy'iwla'n teju tzul, tu'n Kman ma tzaj sama'n. Nimanxwit tbi Dios tuj cya'j.

Xi tma'n cye: —At jun yol in tma'n tuj Tu'jil chi cyja': We nja, ja te nabl Dios tbi c'oquel, chi tuj Tu'jil; atzun cyeye ma tz'oc cyk'o'ne te cyjul elek', chi Jesús.

Cymanxe cye xjal aj Sión: Lu tzul Cyreye cyuc'ile, mans ex tjax tibaj jun ttxu bur, tjax tibaj jun tal bur, tal jun ttxu bur, chi t-sanjel Dios.

Entons xi tma'n Jesús cye: —¿Bajxpe jaw cysch'i'ne ti in tma'n tuj Tu'jil? Chi cyja': Aju abj el cyic'un ke binchal ja ma tz'oc te scyini te simyent. Tu'n Kman ma bant jlu, ex ma' t-xilen jlu tuj kwitz, chi tuj Tu'jil.

Cyja'tzun cxel nma'ne cyeye, c'elel k'i'n cyoclene tu'n mi'n cyocxe tuj tcawbil Dios, ex cxel tk'o'n Dios cyoclen juntl c'loj xjal, tu'n t-xi cyk'o'n ch'in twitz awal teju tajaw awal.