Popular Bible Verses from Jeremías 31

Share

Cub tyec'un tib Kman kwitz atxix ojtxi ex tma cyja': Te jumajx ma che nc'ujlaye ex cucx tk'ak'an nc'u'je cyi'je.

Cxel nk'o'ne nim cywa ex nim cyc'a keju sicni ex keju minti' cyipun, chi Dios.

Aju nyole cyjel bant ti'j cyuc'il aj Israel tuj tk'ijlalil tzul, atzun jlu: C'oquex nk'o'ne nleye tuj cynabl ex cbel ntz'ibane twitz cyanmi; akine chin oquel te Cydios, atzun cye che oquel te jun tnam etzan wu'ne. Akine Dios in chin k'mante jlu. Entons mya il ti'j tu'n cyk'onte xjal xnak'tzbil cyxolx mi cye ke cyerman tu'n tel cynic' wi'je ka akine Dios, porque cycyakil c'elel cynic' wi'je, tza'nx keju ch'in cyoclen, ax icx keju ma' cyoclen. Cbel nnajsa'ne tcyakil cybinchben mya ba'n ex mlay tzaj nna'ntle cyil juntl maj. Akine Dios in chin k'mante jlu.

Chi Kman: Tzul tk'ijlalil tu'n tbant ti'j jun ac'aj yol wu'ne cyuc'il aj Israel ex aj Judá. Aju yol cyjel bant ti'j wu'ne, mya ic tten ic tza'n yol o cyaj bant ti'j wu'ne cyuc'il ke cyxe'chel tej cyetz nẍaklu'ne tuj tx'otx' Ejipt, porque minti' japun cyu'n masque akine cyajaw. Akine Dios in chin k'mante jlu.