Popular Bible Verses from Jeremías 23

Share

¿Alcye jun jacu cub tewan tib nwitze? ¿Myapetzun atine tuj tcyakil part tuj cya'j ex twitz tx'otx'? Akine Dios in chin k'mante jlu.

Chi Kman cyja': Tzul tk'ijlalil tu'n tjaw nsc'o'ne jun tiyjil David tz'aklxix tu'n toc te rey. Atzunte ccawil tuc'il nabl, ex cxel tbincha'n cyi'j xjal tuj tumelxix tuj tnam lu. Tuj tk'ijlalil tcawbil che cletel ke aj Judá, ex ke aj Israel che ank'il tuj txubtxaj. Aju tbi c'oquel atzun jlu: Ate Kman Colol ex binchal ki'j tuj tumelxix.

A Kman in k'mante jlu: Ay bec'bil cywitz ke pastor ma che cyaj cyk'o'n ke nẍne'le tu'n cyxi naj ex tu'n cybaj sputj.

Ex ax kine chin ajetz k'inte ch'intl cytx'akan nẍne'le ate'x cyuj ke nasyon jatum e pon nlajo'ne; che ajetz wi'ne tu'n cyul juntl maj tuj cywabl, ex cch'iyil cybaj ex cchmetel cybet. Che oquel nk'o'ne pastor te cwentil cye, tu'ntzun mi'n cyxob ex tu'n mi'n cyjaw sec'paj, ex tu'n mi jun t-xi tzpet. Akine Dios in chin k'mante jlu.

Chi Kman aju Tajaw Tcyakil: Akeye aj Israel, mi'n txi cyk'o'n cywi'ye ti'j ju in cyma'n keju nno'c cyk'on cyib te nsanjele, porque nok nic'aj yol in cyma'n, in cyma'n aju cyu'nx in cub cyximan, bajx txi nma'ne jun yol cye.