Popular Bible Verses from Jeremías 22

Share

Cybinchame aju tz'aklxix ex aju ba'n, cyclome ke xjal tuj cyk'ab keju in che baj yajlan cye, mi'n cybinchaye mya ba'n ex mi'n che elk'ane cyi'j stranjer xjal, mi cyi'j ke c'wa'l minti' cyman, mi cyi'j ke meba xu'j ex mi'n cub cybyo'ne ke xjal minti' cyil.

¿Tu'npetzunju in baj tbincha'na tjaya ti'j tbanil tze' wi'ten c'oquela te jun nintz rey tuj twitza? Aju ktzan tmana o tz'ank'in tuj txubtxaj, o tbincha aju tz'aklxix ex o bet tuj tumel, cyja'tzun puro ba'n ela te te. Tuj tumel xi tbincha'n cyi'j meba ex cyi'j keju in che baj yajla'n, ex cyja'tzun ba'n ela te te. O bant tu'n icju, tu'nju el tnic' wi'je. Akine Dios in chin k'mante jlu.

Ay bec'bil twitza, aya in jaw tbincha'na tjaya ma' twa'l tu'n sbubl ex mya tuj tumel; in che oc tk'o'na ke xjal ak'nal ti'j ex minti' in xi tchjo'na twi cyc'u'j.