Popular Bible Verses from Jueces 6

Share

Cubtzun tyec'un tib t-anjel Kman twitz Gedeón ex xi tma'n te cyja': —A Kman at tuc'ila, aya xinak at nim tipuna ex cyuw tc'u'ja tuj k'oj.

Tzajtzun tque'yin Kman ti'j Gedeón ex tma: —Tu'nju tipuna at, txi'ya colpil cye aj Israel tjak' cycawbil aj Madián. Akine in chinx samante teya.

Atzunte Kman tzaj ttzak'we'n: —Cbantel tu'na porque akine chin tele tuc'ila. Cbel cyi'j aj Madián tu'na mer ic tza'n oc in cub ti'j junx xjal.

Atzunte Gedeón xi ttzak'we'n: —Tat, ka a Kman at kuc'ile, ¿tiku'ntzun ma tzaj tcyakil mya ba'n lu ki'je? ¿Jattzun ke binchben ma' cyxilen, akeju in che yolin ke kmane ti'j, oc in cyma'n ka a Kman etz k'inte keye tuj Ejipt? Ma ko cyaj coline tu'n Kman, ex ma ko'x k'o'ne tuj cyk'ab aj Madián tu'n cycawin kibaje.

Atzunte Gedeón xi ttzak'we'ntl: —Tat, pero ¿tza'n tten tu'n cyclet aj Israel wu'ne? Ke xjal at nxilene cyuc'il atzun ke mas tal yaj ke cyxol tiyjil Manasés, ex akine mas ch'in woclene cywitz ke mastl wermaniye.

Ultzun t-anjel Kman ex cub ke' tjak' tze' c'ol tuj tnam Ofra. Aju tze' lu te Joás aju tiyjil Abiezer. Ex lu te Gedeón aju tcy'ajal Joás in xupintok tuj triw tuj ewaj tuj lugar jatum nne'l yatz'o'n ta'l twitz uva, tu'ntzun mi'n tilwaj cyu'n aj Madián.

Jawtzun tbincha'n Gedeón jun altar te Kman ex oc tk'o'n tbi altar cyja': “Ate Kman k'ukbalte kc'u'j.” Aju altar jaw tbincha'n Gedeón ax ta' ja'lo tuj tnam Ofra, aju cytanmi tiyjil Abiezer.

Xitzun tma'n Gedeón te: —Ka ma ncambaye xtalbil teya, yec'untza jun techal weye, tu'ntzun tel nnic'e ti'j ka axix toc aya in yolin wuc'ile.

Atzunte Kman tzaj ttzak'we'n: —Mi'n xoba porque mlay cyima. Ke' tc'u'ja.

E oc ten aj Israel juntl maj binchal mya ba'n twitz Kman, ex tuj wuk abk'i e je'x k'o'n tu'n Kman tuj cyk'ab aj Madián tu'n cycawin cyibaj.