Popular Bible Verses from Deuteronomio 11

Share

cyxnak'tzanxe cye cyc'wa'le, ex cyna'ntze ke yol lu tuj cyjaye ex tuj cybeye, ax icx oc cyxi'ye tal ex oc cyjaw we'ye.

Cyja'tzun, cyc'unxe ke yol lu tuj cyanmiye; cyc'alonque cyi'j cyk'abe ex tibaj cywitze te jun techal

Ka ma che japun ke mandamyent cyu'ne, akeju ma che'x nma'ne cyeye ja'lo, ka ma cyc'ujlaye Kman Dios, ex ka ma che ajbene te tu'n tcyakil cyanmiye ex tu'n tcyakil cyc'u'je, ctzajeltzun tk'o'n Dios jbal tibaj cytx'otx'e tujxix tk'ijlalil, aju jbal in tzaj ttzi jbalil ex aju jbal in tzaj oc tjaw jbalil, tu'ntzun tjaw cychmo'ne triw, ex tu'n tten ta'l twitz uva cyuc'ile, tuc'ix chibj aseyt.

Cyc'ujlame Kman Dios ex che japunx ke t-xnak'tzbil cyu'ne, cyuc'ix ke tley, ke tcawbil ex ke tmandamyent.

Ja'lo, ba'n tu'n tjaw cysc'o'ne alcye cyajbile; ka tu'n cycub cy'iwla'ne ex ka tu'n ttzaj castiw cyibaje. Ka ma che'x cynimane ke tmandamyent Kman Dios, akeju ma che'x nma'ne cyeye ja'lo, oc cyc'ma'ye cy'iwbil. Katzun ma che'x lpe'ye cyi'j ke dios minti' ojtzki'n cyu'ne, ka minti' ma che'x cynimane ke tmandamyent Kman Dios, ex ka ma tz'el cypa'n cyibe ti'j tbe aju ma txi nma'ne cyeye ja'lo, ctzajeltzun castiw cyibaje.

Ax icx cytz'iban oque cyi'j tlamel cyjaye ex cyi'j tmarquil, tu'ntzun ttzaj tk'o'n mastl cyank'ible ex cyank'ibl cyc'wa'le tuj tx'otx' tzaj ttziyan Kman cye cyxe'chele; ex cucx tu'n tten cyank'ible, ic tza'n cya'j cucx tten te jumajx tibaj tx'otx'.

Pero ten cycwente cyi'je tu'n mi'n cycub sbu'ne; mi'n tz'el cypa'n cyibe ti'j Kman, mi'n che ajbene cye junxitl dios, ex mi'n che cub ẍmeje'ye cywitz