Popular Bible Verses from Deuteronomio 10

Share

Ja'lotzun akeye aj Israel: ¿Alcye in tkanin Kman Dios cyeye? Atzun in tkanin, tu'n t-xi cynimane, tu'n cyoc lpe'ye ti'j tuj tcyakil, tu'n cyc'ujlanteye, tu'n cyajbene te tu'n tcyakil cyc'u'je ex tu'n tcyakil cyanmiye, ex tu'n cyjapun ke tmandamyent ex ke tley cyu'ne, akeju in che'x nma'ne cyeye ja'lo, tu'ntzun tel ba'n cyeye.

porque ate Kman Dios ma'xix toclen cywitz keju in che oc cyk'o'n xjal te cydios ex ax cyajaw cycyakil keju in che oc cyk'o'n xjal te cyajaw; porque ate jun Dios ma'xix toclen, nimxix tipumal ex xobajilxix, minti' nno'c tque'yin Dios aju t-xilen xjal, ex minti' in xi tc'mo'n pwak tu'n t-xi bincha'n cyi'j xjal at cyil

Cyk'o'ncxe tuj cyanmiye aju techal ti'j yol cyaj bant ti'j tu'n Kman cyuc'ile, ex mya cucx tu'n tcub cycyuwsa'n cyanmiye

in xi tbincha'n cyi'j ke c'wa'l minti' cyman ex minti' cytxu', ax icx cyi'j ke meba xu'j, in che tc'ujla'n ke stranjer xjal najl cyxole, ex in xi tk'o'n cywa ex cyxbalun.

Atzun Cydiose, ex atzunju cjawil cynimsa'ne tbi; xobajilxix, ex ma'xix cyoclen ke tbinchben o tbincha cyi'je ex o cyile tu'n cywitze.

Tenx tchiylal Kman Dios tuj cywitze, o'cx te che ajbene, che lpe'que o'cx ti'j, ex o'cx tbi Kman ctzajel cyna'ne ti'j cyyole oc t-xi cytziyane.

Che ximane ti'j jlu: Ate Kman Dios tajaw cya'j ex tajaw tcyakil jatum ponin baj cya'j, ex ax Kman tajaw tx'otx' ex tcyakilju at twitz.

Cyja'tzun cyc'ujlame ke stranjer xjal, porque icx cyeye stranjer xjal keye tej cytene tuj Ejipt.