Popular Bible Verses from Deuteronomio 1

Share

Ate Kman Dios cbel nej cywitze, ex a c'oquel ten k'ojlel te cyxele ic tza'n o cyile aju o tbincha tuj Ejipt ex tuj tzkij tx'otx'. A Kman Dios tzaj ẍaklunte cyeye tuj tcyakil be jatum o che bete tejxi cyule tuj lugar lu, ic tza'n jun mambaj ẍaklu'n tc'wa'l tu'n.

Chmet-xwit nimxix cyajlale tu'n Kman aju Cydios cyxe'chele, ex che cubxwit cy'iwla'ne tu'n ic tza'nx o tzaj ttziyan.

—T-xe witz Horeb o tzaj tma'n Kman Dios ke cyja': Ma bet-xi k'ij ma che tene t-xe witz lu.

O txi nk'o'ne tx'otx' lu te cyeye; cyxi'ye ex cyoque tajwil, porque tziyimaj wu'ne cye cyxe'chele: te Abraham, te Isaac, te Jacob, ex cye cyiyjil che ul itz'j te tibajxi, chi Kman, chi Moisés.

Oc cyoc xjal tuj xtis cyu'ne, mi'n tz'oc cyk'o'ne cywitze ti'j ju cyxilen; nok o'cx cybinchanxe cyi'j cycyakil, ka ch'in cyoclen ex ka ma'. Mi jun tu'n cyxobe cywitz, porque te te Dios aju cawbil. Katzun at jun ma pon cyuc'ile ex mlay bant ti'j cyu'ne, cysamantze wuc'ile, jacutzun txi nbincha'ne ti'j tzalu, nchiye cye.