Popular Bible Verses from Sal 139

Share

Kan xtinnimirisaj k'a aq'ij, roma kan jun meyel banobel ri xaben wik'in. Yin kan ninmey k'a y kuqul nuk'u'x chi ja rat xabanon wichin.

Nimalej Dios, tanik'oj k'a ri nuk'aslen y tatz'eta' ri wánima; kinatejtobej y tatz'eta' ri nuch'obonik; tatz'eta' wi xa k'o k'a etzelal chupan ri nuk'aslen yin. Kinak'uaj k'a chupan ri bey richin k'aslen ri nibe awik'in rat.

Ja rat xabanon chijun ri nuch'akul. Rat xatz'ukun-q'anej wichin pa rupan ri nte'.

Nimalej Jehová, rat kan xinatz'et toq k'a man jani kinalex. Ronojel k'a ri xtibebanatej chupan ri nuk'aslen, kan xtz'ibatej yan chupan ri awuj, Y ronojel re' rat awetaman chik.

Nimalej Jehová, rat kan in atz'eton jebel y awetaman nuwech.

Jehová, ¿akuchi ta k'a xkibe-wi nej chire ri a-espíritu? ¿Akuchi ta k'a xtinwewaj-el-wi' chawech?

Rat kan natz'et k'a toq yitz'uye' y toq yiyakatej-q'anej. Kan k'a nej k'a k'o-wi ri nuch'obonik, rat kan awetaman chik.

Kan k'a man jani tel-pe ri ch'abel pa nuchi', rat Jehová kan awetaman chik k'a ronojel ri ninbij.

Rat kan awetaman k'a ri nubinibal y toq yinuxlan. Kan chijun k'a ri nubey chawech rat k'o-wi.